დაპირისპირება ნანიკო ხაზარაძის შეკითხვას მოჰყვა: ,,რატომ ქალბატონო ნათია, რუსეთისკენ მივდივართ?“ - რაზეც ნათია მეგრელიშვილმა მიუგო: ,,დიახ, რუსეთისკენ მივდივართ!“. ამის შემდეგ ნანიკო ხაზარაძემ ექსპერტს არჩილ გამზარდიას მიმართა: ,,არჩილ მივდივართ რუსეთისკენ?“. თემას დებატები, ხოლო შემდეგ არჩილ გამზარდიასა და ნათია მეგრელიშვილს შორის რეპლიკები მოჰყვა. ,,პრობლემები სახლში დატოვეთ ქალბატონო ნათია“ - მიმართა გამზარდიამ. ,,ყმაწვილო, მომისმინეთ და კარგად შემომხედეთ - თქვენ ხართ ძალიან უზრდელი და მე ვარ ბედნიერი, რომ თქვენნაირ ახალგაზრდებთან ურთიერთობა არ მაქვს“, - მიმართა ნათია მეგრელიშვილმა არჩილ გამზარდიას.

,,თქვენ გქონდათ ურთიერთობა ჩემს დისშვილთან და თუ გნებავთ თქვენი დროის სკოლის პედაგოგობის ამბებს მოგახსენებთ, ოღონდ აქ ამის ადგილი არ არის“ - უპასუხა არჩილ გამზარდიამ.

,,აი, ეს არის სანახაობა“ - აღნიშნა მეგრელიშვილმა, რაზეც გოგა ხაინდრავამ მიუგო, რომ ,,ქა სანახაობისთვის ვართ მოსული, ქალბატონო ნათია“.

სიტუაციის განმუხტვის მიზნით, გადაცემის წამყვანმა ნანიკო ხაზარაძემ სტუდიის სტუმრებს, სიმბოლურად, პური ჩამოურიგა.