არავითარი პოლიტიკა და ნეგატივი... მხოლოდ სიყვარული და პოზიტივი!

საზოგადოება - 07:16, 09 Nov, 2014

1689

კვირას, ქალაქი პოლიტიკაზე უარს ამბობს, ნეგატივისგან თავისუფლდება და სიყვარულსა და პოზიტივს მშრალ ხიდზე ზეიმობს. „ჩვენი ხელებით შევქმნათ ადგილი, რომელსაც სიმბოლური დატვირთვა ექნება“! -წერს იდეის ავტორი სოციალურ ქსელში.

„ვამაგრებთ სიყვარულის ბოქლომებს მშრალ ხიდზე“

„მეგობრებო, გთავაზობთ პოლიტიკისგან და სხვადასხვა ნეგატივისგან რამოდენიმე საათით განიმუხტოთ და შემოგვიერთდეთ ამ ივენთზე

თუ თქვენ ვინმე გიყვართ (მეუღლე, შეყვარებული, შვილი, მშობლები, მეგობარი, მეზობელი და ა.შ.), მოდით ამ კვირას 9 ნოემბერს 16:00 ზე, მშრალ ხიდზე. თან იქონიეთ ბოქლომი და მარკერი. ამ სიყვარულის ნიშნად დააწერეთ ბოქლომს თქვენი და იმ ადამიანის სახელი, ხოლო თქვენი სიყვარულის მუდმივობის ნიშნად, დაამაგრეთ ბოქლომი ხიდის მოაჯირზე, გასაღებები შეინახეთ ან გადააგდეთ მტკვარში (მტკვარზე გადამავალი ხიდი გვერდზევეა) ასეთი ტრადიცია მრავალ ქვეყანაში არსებობს...

მშრალი ხიდი ჩვენი ქალაქისთვის საყვარელი და ისტორიული ადგილია. ამიტომ ვფიქრობ, რომ ეს ივენთი მხოლოდ გაალამაზებს ქალაქს, ასევე მაგალითს მისცემს სხვა ადამიანებს, რომ მივიდნენ და მათი სიყვარულის ნიშნად, თავიანთი სახელებით შემკული ბოქლომი დაამაგრონ ხიდის მოაჯირზე. ჯამში მივიღებთ ლამაზ ხიდს, ბევრი სხვადასხვა ჭრელი ბოქლომით.