ნანუკა ჟორჟოლიანი: „ ეს კომპლექსი საზოგადოებამ ამკიდა“...

საზოგადოება - 05:31, 09 Nov, 2014

2341

„ბევრი კომპლექსი მაქვს“, - ამბობს ნანუკა ჟორჟოლიანი „მძიმე კაცთან“ , ხოლო შეკითხვაზე, „რა ასოციაცია გიჩნდება სიტყვაზე - არტილერია“, პასუხობს - „ჩემი ნება რომ იყოს, საერთოდ გავაქრობდი სიტყვათა ლექსიკონიდან“.

ნანუკა ჟორჟოლიანი: „რა კონტექსტშიც არ უნდა თქვან არტილერია, საოცარი კომპლექსი მაქვს. როდესაც უნდა ვიხმარო ეს სიტყვა ვცდილობ რომ ამოვაგდო, თუმცა, არ მაქვს იმის კომპლექსი, რომ ვაღიარო რაღაცები... შემიძლია ვიღადავო ეგეთ რაღაცებზე. სხვათაშორის მაქვს თვითირონია, რომელიც ვიცი, რომ გადამარჩენს მსგავსი სიტუაციებიდან და ვიცი, რომ ეს კარგი ხრიკია.
ერთი პერიოდი მქონდა იმის კომპლექსი, რომ გიჟივით ვამტკიცებდი, რომ არ ვმეგობრობდი იმ ადამიანებთან, რომლებთანაც ვმეგობრობდი. ეს კომპლექსი საზოგადოებამ ამკიდა, რადგან ამტკიცებდნენ რომ ჟურნალისტები არ უნდა მეგობრობდნენ პოლიტიკოსებთან. ამ დროს ის მეგობრები მანამდე შეიძინე, ვიდრე პოლიტიკოსები გახდებოდნენ. დიდი ხნის მუშაობა დამჭირდა ჩემს თავთან, რომ საჯაროდ მეთქვა - არ ტეხავს , ეს ჩემი მეგობარია. უფრო მეტიც მე მომწონს რომ ის ჩემი მეგობარია.
ძალიან ხშირად მქონდა იმის კომპლექსი, რომ პირად ცხოვრებაზე მესაუბრა, ამიტომ პირადზე ძალიან გვიან დავიწყე საუბარი. რატომღაც ავიკიდე კომპლექსი, ირაკლის თუ ცოლი ჰყავდა ეს დიდ პრობლემას წარმოადგენდა, იმიტომ რომ ასე ფიქრობს ვიღაც ადამიანები. ეს იყო ძალიან დიდი ხნის განმავლობაში, ვერ ვიტყვი, რომ მომიგვარდა ბოლომდე, მაგრამ ვმუშაობ...
მინდა, რომ მეტად უკომპლექსო ქვეყანაში ვცოვრობდე, მეც მეტად უკომპლექსო ვიყო და ჩემს შვილსაც არ ვბოჭავდე რაღაცების გამო“.