ტელეწამყვანმა ნანუკა ჟორჟოლიანმა „მძიმე კაცთან “სხვა უამრავ თემასთან ერთად სექსუალურ მამაკაცსა და სექსუალურ ქალზეც იაუბრა. „რაც არ უნდა ბანალურად გამომივიდეს მაინც ვიტყვი რომ ჩემთვის სექსუალური მამაკაცი არის ირაკლი კოდუა“-განაცხადა მან.

ნანუკა ჟორჟოლიანი:„იმიტომ რომ სექსუალურ კაცს რაც არ უნდა ახასიათებდეს მას ყველაფერი აქვს ჩემთვის. ჩემთვის სექსუალური კაცი არის მანერები, ხელები, ტიპაჟი... შეიძლება იყოს ძალიან შეუხედავი, მაგრამ ისეთი მანერული, რომ აბსოლუტურად მიმზიდველი გახდეს შენთვის. შეიძლება თავისი აზროვნებით ისე მოგხიბლოს რომ აბსოლუტურად ძალიან მსუქანი, ძალიან დიდი ან ძალიან შეუხედავი მამაკაცი იყოს ისეთი სექსუალური მამაკაცი იმ წუთს, რომ სხვა არ არსებობს...

ქალთან მიმართებაში პირიქით ვარ, თუ კაცში არა აქვს მნიშვნელობა გარეგნობას, თუმცა ვფიქრობ რომ ძლიან სიმპატიური ქმარი მყავს, ქალში პირიქით არის. ძალიან მომწონს რუსა ჩაჩუა. ძალიან ლამაზია ვიზუალურად. თუმცა, შეიძლება მომეწონოს ქალი, რომელიც სულაც არ არის ისეთი გარეგნობის, როგორიც რუსა, მაგრამ აქვს სხვა დამახასიათებელი. მიუხედავად იმისა, რომ ჩემში ცოტა ბიჭურ თვისებებს აღმოვაჩენ ხოლმე, არ მომწონს ძველი ბიჭი გოგონები, მგონია, რომ ეს ქალს არ უხდება“...