„ქართული ოცნების“ ოფისთან იპოთეკით დაზარალებულების და წალკის რაიონში მცხოვრები ეკომიგრანტების აქცია მიმდინარეობს. როგორც ისინი აცხადებენ, ექვსი ათასამდე ეკომიგრანტი გამოსახლების საფრთხის წინაშე დგას.

ისინი ხელისუფლებისგან ალტერნატიული ფართების და სასოფლო-სამეურნეო მიწის ნაკვეტების გამოყოფას ითხოვენ. წინააღმდეგ შემთხვევაში კი ისინი პერმანენტული აქციებით იმუქრებიან.

აქციის მონაწილეებს ადგილზე დევნილთა მინისტრის მოადგილე შეხვდა. ის პრობლემებს ადგილზე გაეცნო და აქციაზე შეკრებილებს დახმარებას დაპირდა.