"ისნის რაიონში მდებარე ქაქუცა ჩოლოყაშვილის ქუჩისთვის, ბერი გაბრიელის სახელის მინიჭებით, ორი უდიდესი ქართველის სახელების უკვდავყოფა დავაბალანსეთ", - ამის შესახებ სახელდებისა და სიმბოლიკის კომისიის თავმჯდომარემ ლია ჯახველაძემ განაცხადა.

მისი თქმით, აღნიშნული გამზირისათვის ბერი გაბრიელის სახელის მინიჭების თხოვნით საკრებულოს წმინდანის დამ და ასევე 3 ათასზე მეტმა ადამიანმა მიმართა.

„ქუჩას, სადაც ბერი გაბრიელი ცხოვრობდა, მისივე სახელი უწმინდესისა და უნეტარესის, სრულიად საქართველოს კათოლიკოს-პატრიარქის ლოცვა-კურთხევითა და საკრებულოს დახმარებით დაერქვა და იქ მალე ტაძარიც აშენდება.

რაც შეეხება ეროვნულ გმირის ქაქუცა ჩოლოყაშვილს, მისი სახელი საბურთალოზე, იპოდრომთან მდებარე ერთ-ერთ ახალ გზატკეცილს ეწოდა.

საკრებულოს დეპუტატებს გვსურდა, ქაქუცა ჩოლოყაშვილისთვის პატივი მიგვეგო და მისი სახელის უკვდავსაყოფად შეგვერჩია ისეთი ადგილი, რომელიც შესაძლებლობას მოგვცემდა არა მხოლოდ ქუჩისთვის, არამედ სკვერისთვის და მოედნისთვისაც მიგვენიჭებინა მისი სახელი. სწორედ ამ მიზნით შეირჩა იპოდრომთან მდებარე ახალი გზატკეცილი, სადაც ახლო მომავალში დაგეგმილია ეროვნული გმირის სახელობის სკვერისა და მოედნის გახსნა.

ამ გადაწყვეტილებით ჩვენ დავაბალანსეთ ორი უდიდესი ქართველის სახელების უკვდავყოფა“ - ლია ჯახველაძემ.