როგორ გვემსახურებიან კვების ობიექტებში - სპეციალური ტრეინინგი პერსონალისთვის

საზოგადოება - 14:41, 03 Nov, 2014

1021

ტრენინგების პირველი ეტაპი ქუთაისში ტარდება. გადამზადებას კვების 20 ობიექტის 60 წარმომადგენელი გადის. ტრეინინგებს ტურიზმის ეროვნული ადმინისტრაციის ხელმძღვანელის მოვალეობის შემსრულებელი მედეა ჯანიაშვილი დაესწრო. მომსახურების ხარისხის გაუმჯობესების მიზნით ქუთაისის შემდეგ გადამზადებას ზუგდიდის, მესტიის, ბაკურიანის და გუდაურის კვების და სხვა ტურისტული ობიექტების თანამშრომლები გაივლიან.

ტრეინინგების დასრულების შემდეგ კურსდამთავრებულები გაივლიან ზეპირ ტესტირებას და მიიღებენ შესაბამის სერთიფიკატს. სასწავლო კურსი მოიცავს შემდეგ თემატიკას:

· კვების ბლოკში მომსახურე თანამშრომლის უფლება მოვალეობები: (მიმტანი, ბარმენი და ა.შ);

· თანამშრომლის ქცევა, ჩაცმულობა, დისციპლინა;

· ცვლის დაგეგმვა, პოზიციების და დავალებების განაწილება;

· რესტორნის მომზადება სტრუმრის მისაღებად.(მაგიდების გაწყობა, ჭურჭლის მოწესრიგება და ა.შ);

· მომსახურების ხარისხის კონტროლი (ღიმილი,სტუმრის მიღება, გაცილება და ა.შ);

· საკვები და სასმელი მენიუს შემადგენლობა, შეკვეთის მიღება, შეთავაზება,მომსახურება;

· ცხელი სასმელების სახეები და მომსახურება (მირთმევა);

· კომუნიკაცია რესტორანსა და სამზარეულოს შორის;

· ინვენტარის მოვლა და აღწერა. (რესტორანი და სამზარეულო);

· მომარაგების განყოფილების მუშაობის დაგეგმერება. მარაგების აღრიცხვა;

· ჯანმრთელობისა და უსაფრთხოების ნორმების დაცვა.