თამაზ ორაშვილი პრემიერს: „ეს გაგვიკეთეს თქვენმა გუნდის წევრებმა"

საზოგადოება - 14:52, 01 Nov, 2014

4461

„კი მაგრამ ბატონო პრემიერო ს.ს "ქართული ფილმის" თანამშრომლები ხალხი არა ვართ, ასე რომ გაგვწირეს? - კითხულობს პრემიერმინისტრის გუშინდელი გამოსვლით გაკვირვებული „ქართული ფილმის“ ერთ-ერთი აქციონერი და სამეთვალყურეო საბჭოს წევრი თამაზ ორაშვილი.
თამაზ ორაშვილი თავის ემოციას „ფეისბუქის“ საკუთარ გვერდზე აქვეყნებს და ჟურნალისტებს სთხოვს გულისხმიერება გამოიჩინონ და სათქმელის ადრესატამდე მიტანაში დაეხმარონ.

თამაზ ორაშვილის ემოცია ინგა გრიგოლიას გადაცემაში გაკეთებულ პრემიერის განცხადებაზე
„პრემიერმინისტრი: „მთავრობა არის ძალიან ეფექტური...ჩვენ მართლაც გვყვავს გამორჩეული მინისტრები... შეხედეთ მათ მუშაობის სტილს, შეხედეთ მათ გამჭვირვალობას, მათ გახსნილობას, თქვენ ნახავთ რომ მთავრობის თითოეული წევრი არის მოწოდებული რომ ემსახუროს ხალხს და ქვეყანას“.......
კი მაგრამ ბატონო პრემიერო ს.ს "ქართული ფილმის" თანამშრომლები ხალხი არ არის? ასე რომ გაგვწირეს თქვენი მთავრობის და პარლამენტის ზოგიერთმა წევრებმა?...
7 წუთში მოხსნა კამაროვ დამთავრებულმა დიმიტრი ქუმსიშვილმა 25 ქართული კინოს პროფესიონალი თანამშრომელი, თან ისე რომ არც კი უკითხავს ვინ ვიყავით, რას ვაკეთებდით, რის გაკეთებას ვგეგმავდით... აი, ასე, მოვიდა და მოგვხსნა და მერე ჩააბარა ქართული ფილმის დირექტორობა აფერისტს, მეორე კამაროვ დამთავრებულს.... ვინც შემდგომ გააპარტახა მთელი ქართული ფილმი.... დიახ, დიახ, დაანგრია ჩვენს მიერ აშენებული სტუდია... ეს კი გააკეთეს თქვენმა გუნდის წევრებმა...
იცით რა მაინტერესებს? ამ წელიწად ნახევარში რაც კამაროვ დამთავრებულმა დირექტორმა თქვენს მიერ შეცდომით დანიშნულ ბორდთან ერთად დაანგრია ჩვენს მიერ აშენებული სს "ქართული ფილმი", სადაც ღებულობდნენ არაფრის გულისთვის ხელფასს... ამ შეცდომისთვის ვინ აგებს პასუხს? თუ დავტოვოთ ასე და გავატანოთ წყალს და მერე ვთქვათ რაც მოხდა მოხდა... ვინ გასცემს ჩემს შეკითხვას პასუხს?
P.S. ჟურნალისტებს კი ვთხოვთ ცოტა სიღრმისეულად ჩაეძიონ და ჩვენი გულისტკივილი გახადონ საჯარო ისე რომ ჩვენი სათქმელი ადრესატამდე მივიდეს“...