მოჭიდავე გენო პეტრიაშვილს დოპინგის მოხმარება დაუდასტურდა. სპორტსმენმა სინჯი აგვისტოში, ზაგრებში ახალგაზრდების მსოფლიოს ჩემპიონატზე გამარჯვების შემდეგ ჩააბარა. მას სისხლში აკრძალული ნივთიერება პრედუქტალი აღმოაჩნდა. აღნიშნულ ფაქტს თავად პეტრიაშვილი გაუგებრობას უწოდებს და აცხადებს, რომ ყველაფერი მალე გაირკვევა. ექიმები კი აცხადებენ, რომ პრეპარატი აკრძალული ნივთიერებების სიაში 2014 წელს შეიტანეს. სპორტსმენი კი მას დამამშვიდებელი აბების სახით იღებდა.

ამ გარემოებების შესახებ ინფორმაცია ქართულმა მხარემ მსოფლიო ჭიდაობის ფედერაციას უკვე მიაწოდა, რის შემდეგაც პეტრიაშვილს 2-წლიანი დისკვალიფიკაცია 6 თვემდე შეუმცირდა.