მაყურებელთა თხოვნით თბილისის დიდ საკონცერტო დარბაზში, მსოფლიო კინომუსიკის შედევრები კვლავ გაიჟღერებს.

საოცარ საღამოებთან ერთად მაყურებელს ამჯერად სიურპრიზიც ელოდება.

როგორც ირკვევა ყოველი მეათე ბილეთის მფლობელი, ანუ „იღბლიანი მაყურებელი“ ნიკოლოზ რაჭველისგან და კომპანია „ტექნობუმისგან“ საჩუქად მიიღებს „მეხსიერების ბარათს“. ბარათზე კინომუსიკის შედევრებია ჩაწერილი.

კონცერტზე კინოს და მუსიკის მოყვარულები, ლეგენდარულ ჩარლი ჩაპლინის, მარჩელო მასტროიანის, სოფი ლორენის, ანუკ ემეს, ფედერიკო ფელინის ფილმებთან ერთად, ნინო როტას, მიშელ ლეგრანის, ენიო მორიკონეს, ჯონ უილიამსის და სხვათა კლასიკად ქცეული მუსიკით ისიამოვნებენ.

პროექტის იდეის ავტორი ნიკოლოზ რაჭველია, სცენარი კი, - თეონა ჯორბენაძეს ეკუთვნის.