„რა თქმა უნდა არსებობს უამრავი სკოლა, პედაგოგები, მაგრამ არის ხოლმე გამონაკლისიც, როცა თვითმყოფადი, თვითნაბადი ნიჭია მაღალი კოეფიციენტის და ასეთ გამონაკლისს წარმოადგენს ამალია ჯიბლაძე“ - ამბობს „ნიუპოსტთან“ ნიკოლოზ რაჭველი.

როგორც „ნიუპოსტისთვის“ გახდა ცნობილი „ნიჭიერის“ კონკურსანტს, ნიკოლოზ რაჭველის სურვილით გადაცემა „სხვა შუა დღე“ მასპინძლობს. ამალია ჯიბლაძეს, ამჯერად ევგენი მიქელაძის სახელობის სიმფონიურ ორკესტრთან ერთად ვიხილავთ.

ნიკოლოზ რაჭველი: „როდესაც სიმღერა მოვისმინე, იმდენად სუფთად, კულტურული ბგერით და სწორი შინაგანი დამოკიდებულებით იმღერა ამალიამ, რომ სიმართლე გითხრათ, რომ მქონდეს ნახვადი ყური და რომ არ მქონდეს სწორი გამოცდილება რუსთავი 2-ის პროექტებში ჟიურის წევრად ყოფნის, მეც კი შემეპარებოდა ეჭვი, - ეს იყო ცოცხალი ნამღერი თუ ჩანაწერი, რადგან ნამღერის ხარისხი სტუდიური ჩანაწერის ხარისხს უტოლდება, რაც ძალიან რთულად მისაღწევია, თუ არა გაქვს მაღალი ნიჭი, საოცარი ყური, საოცარი სმენა და საკუთარი ხმის დამორჩილების ტექნიკა.

რა თქმა უნდა, არსებობს უამრავი სკოლა, პედაგოგები, მაგრამ არის ხოლმე გამონაკლისი, როცა თვითმყოფადი, თვითნაბადი ნიჭია მაღალი კოეფიციენტის და ასეთ გამონაკლისს წარმოადგენს ჩემი აზრით ამალია ჯიბლაძე.

ჩვენ რეპეტიციები იმ კვირაში გვექნება, მერე კი ამალიას სიმფონიურ ორკესტრთან ერთად „სხვა შუა დღეში“ იხილავს მაყურებელი. მარინა ბერიძეთან კინომუსიკის კონცერტებზე უნდა ვისაუბროთ, რომელიც 9 და 10 ნოემბერს კვლავ ბრუნდება თბილისის საკონცერტო დარბაზში, გამიჩნდა იდეა, რომ ამ გადაცემაში სპეციალური სტუმრის სტატუსით მომეწვია ამალია ჯიბლაძე. ვინაიდან ეს ნაწარმოები დაწერილია კინოფილმისთვის „საუზმე ტიფანების ოჯახში“, ამიტომ კონცეპტუალურად ეს სიმღერა ჯდება ამ კინომუსიკის ფარგლებში.

მას კი ვისაც ეჭვი შეეპარა მის განსაკუთრებულობაში აუცილებლად უყუროს ოთხშაბათის გადაცემას“.