ელიზბარ ჯაველიძე გაზეთ „ალიასთან“ ნაციონალური მოძრაობის მიერ დაგეგმილ აქციაზე, პრემიერის და პრეზიდენტის შეხვედრაზე და ყოფილ პრეზიდენტზე საუბრობს.

„როცა მიხეილ სააკაშვილი აწყობდა „ვარდების რევოლუციას“ , მიდიოდნენ და ბაზრობასთან რომ დგანან მუშები და ხელოსნები, სამსახურს რომ ელიან ამაოდ, რათა ყველის და პურის ფული იშოვონ, იმათ ურიგებდნენ დიდ ფულს კი არა, 20-20 ლარს და ამ გზით მოხიკეს იქაური ადამიანები და ამით გაავსეს მოედანი. ჩემი აზრით, რაც უნდა გაბერო და გამობერო, 5000-მდე კაცს გამოიყვანენ, მეტს ვერა , დარწმუნებული ვარ. არ არის მათთვის ეს ცოტა“ -აცხადებს ჯაველიძე.

ელიზბარ ჯაველიძის თქმით, პრემიერი პრეზიდენტის მიერ მოწვეულ უშიშროების საბჭოს სხდომაზე არ უნდა მისულიყო.

„ძალიანაც დააშავა პრემიერმა, რომ რეზიდენციაში მივიდა, არ უნდა მისულიყო. მარგველაშვილი უნდა იყოს დუშეთში და წინდებს ქსოვდეს! ესაა მისი უმაღლესი მოწოდება. იყო გარკვეული მიმდინარეობა, როცა ბერები ქსოვაში სიმშვიდეს ჰპოვებდნენ და უკავშირდებოდნენ ღმერთს, ეს კაცი სიმშვიდეს რომ ჰპოვებს, უკავშირდება „ნაციონალებს“ და თავისუფლების ინსტიტუტს“. ამიტომ, არავითარ შემთხვევაში არ უნდა მისულიყო პრემიერი, რადგანაც ამ დათმობებმა, ამ ფერებამ და კოჰაბიტაციამ მოიყვანა „ნაციონალები“ იქამდე, რომ დღეს ჭკუას გვარიგებენ.

სააკაშვილი კალიგულაზე უარესია, ის არანაირი ნიჭიერი არაა, უბრალოდ, მიდრეკილება აქვს ენების სწავლის და ეს, როგორც ნიშცე ამბობს, ახასიათებს ყველა იმ ადამიანს, ვინც აზროვნებას მოკლებულიაო. ამდაგვარ ადამიანს არ აქვს სირცხვილის გრძობა და ზღვარი, ამიტომ მარტო ლაპარაკობს და ბოლოს რაღასც გამოადნობს ხოლმე. რასაც ახლა ვუყურებ, სიკვდილის ბუზს დაეძებს, ეტყობა“- ამბობს ჯაველიძე

მომზადებულია გაზეთ „ალიას“ მიხედვით.