2 ნოემბერს 11:00 საათზე ბერი გაბრიელ სალოსის ხსენების დღესთან დაკავშირებით ისნის რაიონში, ნავთლუღის ტერიტორიაზე გაიმართება საერთო სახალხო დღესასწაული. საკვირაო ლიტურგიის შემდეგ 11:30 საათზე წმ.იოანე მხედრის (დოდაშვილის მოედანი I), წმ.ბარბარეს (ბ.ხმელნიცკის II) და წმ. გიორგის (ბ.ხმელნიცკის N181) სახელობის ტაძრებიდან სასულიერო პირებისა და მრევლის მონაწილეობით მოეწყობა მსვლელობა წულაძის ქუჩის N23 ნომრისაკენ, სადაც საფუძველი ჩაეყრება ბერი გაბრიელ სალოსის სახელობის ეკლესიის მშენებლობას. გაიმართება სხვადასხვა კულტურული ღონისძიებები და სპორტული შეჯიბრები. გაიმართება სასოფლო–სამეურნეო პროდუქტების გამოფენა–გაყიდვა. ასევე სკვერებში მოეწყობა ადგილობრივი სკოლების მოსწავლეთა შემოქმედებითი ნამუშევრების გამოფენა. ღონისძიება დასრულდება გრანდიოზული კონცერტით, რომელშიც მონაწილეობას მიიღებენ ქართული ხალხური ცეკვისა და სიმღერის ანსამბლები, მოწვეული სტუმრები და ქართული ესტრადის ვარსკვლავები.

ღონისძიება იმართება ქ.თბილისის საკრებულოს ნავთლუღის მაჟორიტარი დეპუტატის ზურაბ ნეფარიძის ინიციატივით, საპატრიარქოს ლოცვა–კურთხევით, ქ. თბილისის მერიის, საკრებულოს და ისნის რაიონის გამგეობის მხარდაჭერით.