პრემიერა წარმოდგენილია მიხეილ თუმანიშვილის სახელობის ხელოვნების საერთაშორისო ფესტივალ “ საჩუქარის“ პროგრამის ფარგლებში.

თანამედროვე მიუზიკლი რეჟისორმა მანანა ბერიკაშვილმა დადგა. სპექტაკლში ხელოვნების სკოლის მოსწავლეებისა და პედაგოგების ურთიერთდამოკიდებულება და რუტინული ყოველდღიურობააა აღწერილი.

ახალგაზრდებს ბოლომდე გათვიცნობიერებული არა აქვთ ის პროფესია, რომელიც მათ საკუთარი სურვილით აირჩიეს. მათ ჯერ კიდევ არ იციან რამდენი დრო, შრომა, სასიცოცხლო ენერგია მიაქვს ხელოვნებისადმი მსახურებას. განსაკუთრებით მძიმეა ზოგიერთი მათგანის ცხოვრების პირობები და ამიტომაც არ იგვიანებს დრამატული შედეგი. სპექტაკლში ერთმანეთს არის გადაჯაჭვული სიცოცხლე, სიკვდილი, თავდადებული შრომა, იმედი და უიმედობა.

არავინ იცის როგორი იქნება სკოლის კურსდამთავრებულების ხვალინდელი დღე, მაგრამ თითოეული მათგანი დაჟინებით უმეორებს საკუთარ თავს : „ ჩვენ გველის დიდება“!

სპექტაკლის მხატვარია მერაბ მოისწრაფიშვილი, კოსტიუმები ნინო მალაზონიას ეკუთვნის, მუსიკალური ხელმძღვანელი ნიკოლოზ რაჭველი, კომპოზიტორი- ანა ქასრაშვილი, სიმღერების ტექსტის ავტორი-ირინა სანიკიძე, ქორეოგრაფი არჩილ სოლოღაშვილი.

მონაწილეობენ: ნინო ლეჟავა, ნათია კუპატაძე, ნიკოლოზ ნანიტაშვილი, ანო მაისურაძე, სოფიო ებრალიძე, დავით როსტომაშვილი, ია ჭიალაია, ვახო ჩაჩანიძე, მარიამ ჩუხრუკიძე, ნინო ანდრიაძე, სანდრო დავითაშვილი , ანა ზამბახიძე, თეკლა ჯავახაძე, ნიკა ფაიქრიძე, ხატია მელქაძე, ნიკა კვანტალიანი, ანა სანაია, რატი ნავაძე, შალვა ანთელავა, სალომე წურწუმია, გიორგი ტორიაშვილი , გიორგი შავგულიძე, დენ ხლიბოვი, გიორგი ჯიქურიძე.