„დანარჩენი ინფორმაცია ახალი ქარხნების, ხიდების, გზების შესახებ ისეთივე სიყალბე ხომ არ არის როგორც გარდაცვლილთა რაოდენობა ან Doing Business მაჩვენებელი"? - კითხულობს უცხოეთში მცხოვრები ქართველი პროფესორი, გიორგი კავკასიძე და „ფეისბუქის“ საკუთარ გვერდზე შემდეგ სტატუსს აქვეყნებს.

გიორგი კავკასიძე: „მარკეტინგში არსებობს ასეთი კანონი:

"თუ რამის "გაყიდვას" აპირებ, არასდროს არ "დააბრალო" შენს პროდუქტს (პროდუქტი შეიძლება იყოს როგორც Tengible ანუ საგანი, ასევე Intengible ანუ იდეა, აზრი) ის თვისებები, რომელთა გადამოწმება და უზუსტობის აღმოჩენა არის შესაძლებელი. თუ უზუსტობა დამტკიცდა, რაც არ უნდა კარგი პროდუქტი იყოს, მის დანარჩენ "სიკეთეებს" მყიდველი აღარ დაიჯერებს და ასეთ პროდუქტს მომავალი არ ექნება.

მოგეხსენებათ პოლიტიკაც მარკეტინგია, სადა "პროდუქტი" არის იდეა/პლატფორმა, ხოლო "მყიდველი" კი ამომრჩეველი/მხარდამჭერი.

ქართული ოცნების ორწლიანი მმართველობის ანგარიშში პრემიერმა ბრძანა რომ 2013 წელს სიკვდილიანობა შემცირდა და ასეთი დაბალი მაჩვენებლი ბოლო 20 წლის განმავლობაში არ ყოფილა, რაც ჯანდაცვისა და სოცუზრუნველყოფის სისტემების წარმატებაზე მეტყველებს.

მან ასევე ბრძანა რომ საქართველოში გაუმჯობესდა ბიზნეს გარემო და საქართველოს Doing Business მსოფლიო რეიტინგში მე-14 ადგილი უჭირავს. რაც განხოცრიელებული რეფორმების წარმატებაზე მეტყველებს

აღმოჩნდა რომ 2013 წელს გარდაცვლილთა რიცხვი (საქსტატის მონაცემებით) იყო 48'533. იგივე მაჩვენებელი 2007 წელს -41'178, 2008 წელს-43'011, 2009 წელს-46'625, 2010 წელს-47'864.

მსოფლიო ბანკის 2014 წლის Doing Business რეიტინგით საქართველო მე-8 (ახალი შეფასებით კი მე-14) კი არა მე-15 ადგილზე ყოფილა.

მარკეტინგის იმ კანონის თანახმად, რაც ზემოდ აღვწერე, "მყიდველს" ეჭვი უნდა გაუჩნდეს "დანარჩენი ინფორმაცია ახალი ქარხნების, ხიდების, გზების შესახებ ისეთივე სიყალბე ხომ არ არის როგორც გარდაცვლილთა რაოდენობა ან Doing Business მაჩვენებელი"?

მაგრამ ასეთი კითხვა ალბათ მხოლოდ კრიტიკულად მოაზროვნე "მყიდველს" გაუჩნდება, რომელიც ზრუნავს თავის "ქონებაზე" რომ ეს "ქონება" უვარგის პროდუქტზე არ დახარჯოს“.