ექსპერტი გიორგი აბაშიშვილი. მისივე შეფასებით, ბიუჯეტის გადაჭარბებით შესრულება არ ნიშნავს ეკონომიკის მდგრად განვითარებას და იმას, რომ ეკონომიკურად სტაბილურ გარემოში ვცხოვრობთ.

,,ის, რომ ბიუჯეტი გადაჭარბებით შესრულდა, არის პროდუქტი იმ პოლიტიკის რომელიც ჰქონდა ძველ ხელისუფლებას, მაგრამ ამავე დროს ახალი ხელისუფლებისაც, რომელთაც შეძლეს მინიმუმ შეენარჩუნებინათ ის ტემპი, რომელსაც გეგმავდა და ახორციელებდა ძველი ხელისუფლება. ბიუჯეტის გადაჭარბება თავისთავად არ არის ცუდი ფაქტი, რადგან ეს ნიშნავს იმას, რომ რაღაც ვერ დაიგეგმა სწორად, ანუ შესაძლებელი იყო ეს თანხები მოსახლეობას მოხმარებოდა 2012 წელსვე.“ -აცხადებს აბაშიშვილი და დასძენს, რომ ფასების ცვალებადობა ბოლო დროს განვითარებული პოლიტიკური პროცესებითაა განპირობებული.

,,ფასები შეიძლება იყოს სტაბილურად მაღალი და დაბალი. მე მაგალითად ვერ ვხედავ, რომ საქართველოში ფასები არის სტაბილურად დაბალი, მაგალითად ბენზინზე - მსგავსი ტიპის თანხის ცვალებადობა საქართველოში 10, 15 თეთრით ყოველთვის ხდებოდა, უბრალოდ როდესაც ვინმე საუბრობდა კარტერულ გარიგებებზე, მათ მოჰყავდათ ასეთი არგუმენტები, რომ ფასები დაახლოებით თანაბარი აქვთ ყველა ბენზინის შემომტან კომპანიებს. ეს არის კარტერული შეთანხმების მსგავსი, როდესაც ფასების მიხედვით არ არის კონკურენცია, ამ მხრივ დღეს სიტუაცია არ შეცვლილა. ფასები პრაქტიკულად ისევ თანაბარია.

ფასების კლება გამოიწვი ამ შემთხვევაში ბენზინზე იმან, რომ მსოფლიოში საწვავის ფასმა დაიკლო, ასე რომ ეს ფასების კლება, მე არ ვთვლი, რომ შიდა დონეზე მოხერხდა, ეს იყო ერთი რიგითი სიტუაცია, რომელიც ადრეც ხდებოოდა. 2 ლარამდეც ჩამოსულა საწვავის ფასი და ცოტა უფრო ქვემოთაც.

მძღოლების დიდი ნაწილი, ვინც ამ თემაზე საუბრობდა, ამბობდა, რომ საქართველოში საწვავის ფასი არ უნდა ყოფილიყო 2 ლარზე მეტი, ჩვენ აქედან ძალიან შორს ვართ.

ჩემი აზრით, საქართველოში გაზისა და ელექტროენერგიის საფასურის შემცირება არის წარმოუდგენელი და ყოველთვის ამ აზრზე ვიყავი. მე ყოველთვის ვამბობდი, რომ რადიკალური ფასის ცვლილებები მოკლე დროში იქნებოდა ყოვლად შეუძლებელი.“- მიიჩნევს გიორგი აბაშიშვილი.

მისივე აზრით, გასული წელი მძიმე იყო, თუმცა ეკონომიკური სტანილურობა ახალი ხელისუფლების პირდაპირი პოლიტიკური ნების ადეკვატური იქნება.

,,2012 წელი ინვესტორებისთვის იყო მძიმე, იმიტომ, რომ მათი უმრავლესობა ელოდებოდა არჩევნებს და მათ ქონდათ საარჩევნო პერიოდის რეჟიმში მუშაობა და არ ქონდათ სტაბილურობის განცდა, შეიძლება ესეც ითქვას, მაგრამ თუ ენერგეტიკას მივუბრუნდებით აქ სიტუაცია მარტივია. როდესაც აიაფებ, აუცილებლად იზრდება მოხმარება, ამიტომ აუცილებლად გჭირდება დამატებითი ელექტროენერგია, საიდან მოიტან ამ დამატებით ელექტროენერგიას, თუ არ მოხდა ინვესტირება?

როდესაც საუბარია გაიაფებაზე, მცირდება იმ ადამიანთა რიცხვი, რომლებიც გაიაფებულ ტარიფს გადაიხდიან. საქართველოში სიტუაცია დღეს შეიძლება წავიდეს ძალიან კარგადაც და ცუდადაც, კერძოდ ვგულისხმობ იმას, რომ თუ ქვეყანაში პოლიტიკური ვითარება დასტბილურდა და არ გაჩნდა მოლოდინი იმისა, რომ რადიკალური ცვლილებები არ მოხდა, ვგულისხმობ პარლამენტის დათხოვნას, კრიზისს, რომელიც შესაძლებელია გამოწვეული იყოს, მაშინ შესაძლოა, საქართველოში ინვესტიციები შემოვიდეს, მაგრამ მათ არ და ვერ მოუნდებათ საქართველოში შემოსვლა, რადგან აქ შესაძლებელია განხორციელდეს მუდმივი ცვლილებები.“_ აცხადებს აბაშიშვილი.