საქალაქო სასამართლოს გადაწყვეტილებას, მოქალაქე ვლადიმერ ბერძენიშვილისთვის აღმკვეთი ღონისძიების გირაოთი შეცვლასთან დაკავშირებით ნინო დიდებულიძე ეხმაურება.

მოკლული, ლაშა მახარაძის დედის აზრით, ბერძენიშვილს თავად ჭიკაიძე და ღარიბაშვილი პატრონობენ.

„ფულიანი მამიკოს ბიჭია, გამოუშვეს, რა თქმა უნდა. მას ხომ ჭიკაიძე, ღარიბაშვილი და ძმანნი მათნი პატრონობენ. არ ვიცი ეს ჩემთვის მოულოდნელი იყო. ალბათ ხვალ ოქროპირიძესაც გამოუშვებენ. ეს საშინელებაა“, - განაცხადა ნინო დიდებულიძემ www.rustavi2.com-თან საუბრისას.

მოკლული მახარაძის დედა დღის განმავლობაში მოსამართლის მიერ მიღებული გადაწყვეტილების გაცნობას ადვოკატებთან ერთად გეგმავს, რის შემდეგაც სამომავლო გეგმების შესახებ მიიღებს გადაწყვეტილებას.

ნინო დიდებულიძე არ გამორიცხავს, რომ სასამართლოს მიერ მიღებულმა გადაწყვეტილებამ საზოგადოებაში პროტესტი გამოიწვიოს.

"ეს დიდი შეცდომაა, მკვლელობაში ეჭვმიტანილადაც კი არ მიიჩნიეს, ახლა საერთოდ გაათავისუფლეს. დაუჯერებელია. ამან ჩემში უკვე დიდი პროტესტი გამოიწვია, ასევე მოხდება სხვების შემთხვევაში. გაუგონარი სისულელა", - აცხადებს ნინო დიდებულიძე.

წყარო: rustavi2.com