„პირველ პრესკლუბში“ 12:00 საათზე დანიშნული იყო გია ბერაძის პრესკონფერენცია, რომელსაც პრემიერ-მინისტრ ირაკლი ღარიბაშვილისა და შსს-ს მიერ ბიზნესის წართმევის შესახებ უნდა ესაუბრა. წინასწარ გავრცელებული ინფორმაციით საქართველოს ყოფილი პრემიერ-მინისტრის ქვისლს გია ბერაძეს საკუთარ კომპანია „სერვის ცენტრზე“ უნდა ესაუბრა, რომელსაც ევალებოდა თბილისის მასშტაბით ტრანსპორტის გადაადგილება მანქანების კონკრეტულ სადგომზე , ბერიძის თქმით მისი ხელშეკრულების შეწყვეტა აბსურდული ბრალდებით, ხელოვნურად მოხდა, ის სერვისი რომელსაც ბერაძის კომპანია ახორციელებდა ამჟამად 112-სთვის არის გადაბარებული.

ბერაძემ პრესკონფერენციის მსველელობისას თემა შეცვალა და „მაესტროს“ ჩართვაში განაცხადა, რომ არ იცის, საიდან მოვიდა ამ ამბის ასე დაანონსება.

„მე ვერ დავარქმევ ბიზნესის წართმევას , მაგრამ ეს არის ხელის შეშლა ბიზნესისთვის საოპატრულო პოლიციის მხრიდან, ჩვენ 2006 წლიდან ამა წლის პირველ აპრილამდე გვქონდა ხელშეკრულება, წელს კი ეს ხელშეკრულება მომავალი სამი წლით გაგრძელდა, მაგრამ რატომღაც 15 მაისს მოინდომეს რომ უნდა შეწყვეტილიყო თან გაუფრთხილებლად, მიზეზად დაასახელეს ტერიტორიის არ ქონა, ასევე თითქოს ვაგვიანებდით გამოძახებაზე, თუ მსგავსი პირობების დარღვევა იყო , შეეძლოთ გავეფრთხილებინეთ წერილობით ან ტელეფონით, ჩვენ ყოველდღიუირი ურთიერთობა გვქონდა საპატრულო პოლიციასთან.

ბერიძე უარყოფს იმ ფაქტს, რომ ის კონკრეტულად ირაკლი ღარიბაშვილს და შსს-ს ადანაშაულებდა ბიზნესისთვის ხელის შეშლაში,

„მე ვერ დავადანაშაულებ პრემიერს, ჩვენგან იქნა გაგზავნილი წერილი პრემიერ-მინისტრთან, იქიდან მიღებული იქნა პასუხი, ძალიან ოპერატიულად, ბატონი გია გახარია დაგვიკავშირდა, გვთხოვა შეხვედრა და გვითხრა რომ უნდა დავიწყოთ ძებნა იმ მიზეზების თუ რა მოხდა, შემდეგ დამაკმაყოფილებელი პასუხიც მივიღეთ, პირდაპირ წერია რომ ხელშეკრულების შეწყვეტა არაკანონიერად მოხდა,.

ბერიძის თქმით მას ამ საკითხთან დაკავშირებით ყოფილ პრემიერ-მინისტრთან და ნათესავთან კონტაქტი და საუბარი არ ქონია: „ნათესაობა და ოჯახი ერთია, საქმე და სამსახური მეორე, ბიძინა ივანიშვილი აქ არაფერ შუაში არაა, მითუმეტეს არა მგონია პრემიერ მინისტრს ის ინტერესები ქონდეს რომ საჯარიომოსთან დაკავშირებით პრობლემები შეუქმნას ვინმეს.“- განაცხადა ბერაძემ.

საინფორმაციო სააგენტო „პირWელი“ აცხადებს, რომ ანონსი შეთანხმებული იყო გია ბერაძის ადვოკატ დიმიტრი გაბუნიასთან, რომელიც ადასტურებს, რომ პრესკონფერენციაზე საუბარი სწორედ დაანონსებულ თემასთან დაკავშირებით უნდა წარმართულიყო.