ფერმერების განცხადებით კარტოფილის ფასი ზამთარში 2 ლარამდე მოიმატებს, ესეც საუკეთესო შემთხვევაში , რადგან საქართველოში მისი მარაგი მცირეა. ფასს მეტ-ნაკლებად იმპორტი დააბალანსებს.

ამ ეტაპზე სამომხმარებლო ბაზრის დიდი წილი ქართულ კარტოფილს უჭირავს. ფერმერთა ინფორმაციით , ზამთრის მარაგის 50 % უკვე გაყიდულია, ხოლო დარჩენილი პროდუქტო 2-3 თვის სამყოფია და მალე მას ბაზარში იმპორტულით ჩაანაცვლებენ.

შარშანდელთან შედარებით, მოსავალი წელს 15-20 % მცირეა. უამინდობის გამო სამცხე-ჯავახეთში კარტოფილის მოსავალი -დაბალი, ხარისხი კი ცუდი იყო. ბაზრის ფასი კი ამ რეგიონის მოსავალზეა დამოკიდებული.

კარტოფილის იმპორტი საქართველოში თურქეთიდან,უკრაინიდან,ბელოსრუსიიდან,სომხეთიდან და ჰოლანდიიდან ხორციელდება. 2014 წლის იანვარ-აპრილში , საქართველოში 4 მილიონზე მეტი ღირებულების იმპორტული კარტოფილი შემოვიდა.

რაც შეეხება ექსპორტს, ივლისში კარტოფილი რუსეთსა და აზერბაიჯანში გავიდა, ახლა კი პროცესი შეჩერებულია, რადგან კარტოფილი ძვირია და მისი გატანა არ უღირთ.

სპეციალისტების განცხადებით საქართველოს პოტენციალი კარტოფილის წარმოებისთვის სათანადოდ არ არის გამოყენებული , ისინი თვლიან რომ ბოსტნეულის, მათ შორის კარტოფილის წარმოებისთვის ქვეყანას კარგი მდებარეობა და კლიმატი აქვს. ამ რესურსის სატანადო გამოყენების შემთხვევაში , ქვეყანას შეუძლია , სრულად აითვისოს შიდა ბაზარი და ექსპორტზეც განიმტკიცოს პოზიცია.

მომზადებულია გაზეთ "რეზონანსის" მიხედვით.