რეზო ამაშუკელის მუქარა თენგიზ გოგოტიშვილს - ,,მაგისთვის ხელს არ გავისვრი!"

საზოგადოება - 13:08, 24 Oct, 2014

5526

რეზო ამაშუკელის ინტერვიუს გაზეთ „ალიასთან“ სოციალურ ქსელში დიდი გამოხმაურება მოყვა, ინტერვიუში რეზო ამაშუკელი საზოგადოებრივი მოძრაობის ჩამოყალიბებას აანონსებდა და „ნაციონალურ მოძრაობაზე“ შურისძიებით იმუქრებოდა, ამასთანავე ის პარლამენტის თავმჯდომარეს და მის მრჩეველსაც ახსენებდა და აცხადებდა რომ არც მათ შერჩებათ ის, რაც გააკეთეს. „როგორ გგონიათ, რა, გიგი თევზაძეს შერჩება რამე? ან თუთბერიძეს? ან დავით ზურაბიშვილს? ან პარლამენტის თავმჯდომარე რომაა, ბანაკიდან გამოქცეულ პიონერს რომ ჰგავს?“

ამაშუკელის ინტერვიუს გამოეხმაურა ჟურნალისტი თენგო გოგოტიშვილი,რომელმაც სოციალური ქსელით მთავარ პროკურატურას მიმართა: „მოჩვარებული მგოსანი მთელი მჭიდის სროლით ემუქრება პარლამენტის თავმჯდომარეს, ბ-ნ უსუფაშვილს და მის თანაშემწეს ბ-ნ ზურაბიშვილს. მთელი საქართველო ურეკავს თურმე და იქნებ თქვენც აგეკრიფათ ამის ნომერი და გეკითხათ , ცოტა ხომ არ აჟრიალებს?“

რეზო ამაშუკელმა „ალიას“ შემდგომ ნომერში განაცხადა, რომ ის უსუფაშვილსა და ზურაბიშვილს არ დამუქრებია. ამასთანავე ამაშუკელმა კომენტარი თენგო გოგოტიშვილის შესახებ გააკეთა:

„ეგ „დვარნიაშკა“, თავის დროზე კოხტაპრუწა კიკალიშვილმა რომ გააგზავნა პრაღაში , სადაც ცნობილი სექსის მუზეუმია , ვერ დაიტოვეს იმ მუზეუმში ასეთი ნატურალური ფალოსი? თუმცა ამბავი ჩამოვიდა, რომ თურმე მაგის გარშემო დამთვალიერებლები შეგროვდნენ და ამან იმდენად იმოქმედა იქაურ დირექციაზე, რომ ჩეხებს უთხოვიათ , ცოტა ხანს გაშეშებული მდგარიყო და კარგ ფულსაც გადაუხდიდნენ, რაღა იმსიშორეს წავიდა, შესულიყო „ნაციონალების“ოფისში და იქ იმდენი ფალოსია, რომ უკეთესს რას ნახავდა? ეს ხუმრობით, მაგრამ მე ვაფრთხილებ მაგ ნატოს ოფისისი „დვარნიაშკას“ ცოტა ჭკვიანად იყოს, თორემ მე ხელს რომ არ გავისვრი ცხადია! მაგას თავის დროზე მოუწევს პასუხისგება. ვის აჟრიალებს და ვის-არა, მაგან თავის არხზე მოიკითხოს, სადაც ბევრს ახველებს და ბევრსაც აჟრიალებს."- აცხადებს ამაშუკელი.