ჩოხატაურიდან "NBG” -ის გაქცევას, ლანჩხუთიდან "ჯი-აი-დის“ განდევნა მოჰყვა

ბიზნესი & ეკონომიკა - 15:50, 23 Oct, 2014

2831

გურია კიდევ ერთ კომპანიას დაატოვებინეს. ჩოხატაურიდან "NBG” -ის გაქცევას, ლანჩხუთიდან ‘ჯი-აი-დის“ განდევნა მოჰყვა. ლანჩხუთის მუნიციპალიტეტმა კომპანია ,,ჯი–აი–დის“ ხელშეკრულება პირობების შეუსრულებლობის გამო შეუჩერა. ამის შესახებ „ნიუპოსტს“ ლანჩხუთის მუნიციპალიტეტიდან აცნობეს.

კომპანია, რომელიც ლანჩხუთში სარემონტო სამუშაოებს აწარმოებდა, 2012 წლიდან უკვე შეყვანილი იყო დისკვალიფიცირებული კომპანიების სიაში.

ლანჩხუთის მუნიციპალური შესყიდვების განყოფილების ხელმძღვანელის, მაია აფხაზავას განცხადებით, "როცა ელექტრონული ვაჭრბა იმართება, ეს ყველაფერი კომპიუტერული სისტემით არის კონტროლირებადი, ისინი მხოლოდ სატენდერო მოთხოვნებს აყენებენ, რაც კომპანიამ დააკმაყოფილა: „ბოლო სამი წლის განმავლობაში, მას შესრულებული სამუშაოების პრობლემა არ ქონია,“-ამბობს აფხაზავა.

გავრცელებული ინფორმაციით, ამ საკითხით შესაძლოა ფინანსური პოლიცია დაინტერესდეს. რომელმაც ლანჩხუთის გამგეობაში, მუნიციპალიტეტის ათ სოფელში შპს „არქ დიზაინ მშენის“ მიერ წყლის სისტემის შიდაქსელის რეაბილიტაციასთან დაკავშირებით შესრულებული სამუშაოს შესახებ არსებული დოკუმენტაციას შესწავლა უკვე დაიწყო.

ლანჩხუთის მუნიციპალიტეტმა ქუჩების მოასფალტებისა და სანიაღვრე არხების რეაბილიტაციის მიზნით ტენდერი რამდენიმე თვის წინ გამოაცხადა. ელექტრონულ ვაჭრობაში გამარჯვებულმა კომპანია ,,ჯი–აი–დიმ" სარემონტო სამუშაოები ადგილობრივ თვითმმართველობის არჩევნებამდე დაიწყო, რომელიც 8 ოქტომბრისთვის უნდა დასრულებულიყო.

ქალაქის 7 ქუჩაზე ჩასატარებელი ინფრასტრუქტურული სამუშაოებისთვის 840 000 ლარი იყო გამოყოფილი, სამუშაოები, მხოლოდ ორ ქუჩაზე ჩატარდა.

სამუშაოების არაჯეროვნად შესრულებისთვის, ამ ხნის განმავლობაში კომპანიამ, მუნიციპალიტეტისგან გაფრთხილება არაერთხელ მიიღო, ამ დღეებში კი პირობების შეუსრულებლობის გამო ხელშეკრულება შეუჩერეს.

მუშახელი, რომლებიც კომპანიას დაქირავებული ჰყავდა, სახელფასო დავალიანების გასტუმრებას უშედეგოდ ელის. მდგომარეობას ართულებს ისიც, დამქირავებელსა და დაქირავებულს შორის, ხელშეკრულება არ დადებულა, შეთანხმება სიტყვიერად მოხდა.

ნოდარ ხრიკაძე ,, ვინც ვმუშაობდით, ყველას ასაღები გვაქვს თანხა. მე დაახლოებით 1100 ლარი მეკუთვნის“.

.. მათ უნდა უნდა ჰქონდეთ ხელშეკრულება გაფორმებული. თუ არ მისცემენ შესაბამისს ანაზღაურებას, ეს უკვე სასამართლოს დავის საგანია“-გვეუბნებიან გამგეობაში.

მშენებლობის გრაფიკის დარღვევის გამო, შეუწყდა ხელშეკრულება ჩოხატაურში კულტურის სახლის მშენებელ კომპანია `NBG” -ისაც.

NBG-ის ხელშეკრულების შესაბამისად, პროექტით გათვალისწინებული მილიონ 200 ათასი ლარი უნდა აეთვისებინა, აქედან მხოლოდ 55 000 ლარის სამუშაო შეასრულა.

მუნიციპალიტეტის გამგეობისგან წინასწარ გადარიცხული 300 ათასი ლარით კი, კომპანიამ ჩოხატაური ისე დატოვა, დღემდე მათი ადგილსამყოფელი ვერ გაარკვიეს.

როგორც მუნიციპალიტეტის გამგებელი ირაკლი კუჭავა აცხადებს, კომპანიისგან მიტაცებული თანხის ანაზღაურებაზე პასუხისმგებლობას, საბანკო გარანტიის გამცემი ,,არდი ჯგუფი" აიღებს.

ჩოხატაურში კულტურის სახლის მნშენებლობა 2012 წელს საპარლამენტო არჩევნების დროს დაიწყო,

მისი მშენებლობა მიმდინარე წლის ბოლომდე უნდა დასრულებულიყო.

გურია. თეა იოსელიანი