საპარლამენტო უმრავლესობის წევრი თამარ კორძაია მუსლიმ მოსახლეობას ბოდიშს უხდის. დეპუტატი აცხადებს, რომ სოფელ მოხეში მომხდარის გამო ყველა პოლიციელმა, რომელმაც ძალა გადაამეტა პასუხი უნდა აგოს. ის ასევე რელიგიათა სააგენტოს მოუწოდებს უმოკლეს ვადაში შეისწავლოს საკითხი.

"ვთვლი, რომ რელიგიათა სააგენტომ აქტიურად უნდა იმუშაოს. მოხეს მუსლიმ მოსახლეობას აქვს პრეტენზია, რომ შენობა იყო მუსლიმური მეჩეთი და ითხოვენ მის დაბრუნებას. რელიგიათა სააგენტო შეიქმნა სწორედ იმიტომ, რომ ასეთი ტიპის საკითხებზე იმსჯელოს და კონფლიქტები აღმოფხვრას", - განაცხადა თამარ კორძაიამ და აღნიშნა, რომ გუშინ მედიით მისთვის ცნობილი გახდა, რომ ერთ-ერთი მოხუცი ქალბატონი ამტკიცებს, რომ პოლიციელმა სცემა და თუკი ეს ფაქტი დასტურდება, პოლიციელმა სათანადოდ უნდა აგოს პასუხი.