პრემიერ-მინისტრის ინიციატივა „მწვანე მომავალი“ გრძელდება, რომელიც მიზნად მთელი ქვეყნის მასშტაბით გამწვანების პროცესის ხელშეწყობას ისახავს.

ხის დარგვის დღესთან დაკავშირებით, „მწვანე მომავლის“ ფარგლებში, გარემოსა და ბუნებრივი რესურსების დაცვის მინისტრმა ელგუჯა ხოკრიშვილმა, თბილისის სახელმწიფო სამედიცინო უნივერსიტეტის ეკოლოგიის სპეციალობის სტუდენტებთან ერთად გამწვანების აქციაში მიიღო მონაწილეობა.

მათ მცხეთის მუნიციპალიტეტის სოფელ წიწამურში, ილია ჭავჭავაძის ძეგლის მიმდებარე ტერიტორიაზე 250 სხვადასხვა სახეობის ნერგი დარგეს.

კამპანია "მწვანე მომავალი" პრემიერ-მინისტრ ირაკლი ღარიბაშვილის ინიციატივით გაზაფხულზე დაიწყო. ინიციატივის ფარგლებში საქართველოს მასშტაბით გაზაფხულზე 200.000-ზე მეტი ნერგი უკვე დაირგო და პროექტი კვლავ გრძელდება.

როგორც გარემოს დაცვის სამინისტროში აცხადებენ, ნარგავების მოვლა-მონიტორინგი უწყვეტ რეჟიმში ხორციელდება. გამწვანების მასშტაბური კამპანიის მიზანი, საქართველოში გამწვანების პროცესის ხელშეწყობა და ეკოსისტემის გაუმჯობესებაა.