გვანცა ადამია, რომელიც თაყვანისმცემელმა სასიკვდილოდ გაიმეტა, გათხოვდა

საზოგადოება - 18:27, 21 Oct, 2014

13145

გვანცა ადამიას სახელი და გვარი საზოგადოებისთვის ცნობილი იმ საზარელი შემთხვევის შემდეგ გახდა, რომელიც უნივერსიტეტის პირველი კორპუსის კიბებზე მოხდა. უიმედოდ შეყვარებულმა ბიჭმა, ვანო ღონღაძემ თავისი რჩეული მესამე სართულის კიბიდან გადმოაგდო.

გოგონა მართლაც სასწაულებრივად გადაურჩა სიკვდილს. რესპუბლიკურ საავადმყოფოში მიყვანის დროს გვანცას ჰიპოოლემიური შოკი, ნეკნებისა და მენჯის მოტეხილობა, ღვიძლის მრავლობითი დაზიანება და მარჯვენა ფილტვის დაჟეჟილობა აღენიშნებოდა.

ერთ-ერთ ინტერვიუში წერდა, რომ კვლავ აქვს გარკვეული პრობლემები ჯანმრთელობასთან დაკავშირებით, მაგრამ ამისთვის სათანადო თანხები არ აქვს ოჯახს. წერდა ფსიქოლოგიურ ტრავმაზეც, რომ ქუჩაში უსაფრთხოდ სიარული აღარ შეუძლია, ჰგონია რომ უთვალთვალებენ და ა. შ.

იმ საზარელი შემთხვევიდან, რამდენიმე თვეში გვანცამ შეძლო და უნივერსიტეტში სიარული დაიწყო. ასევე მუშაობს უნივერსიტეტის ბიბლიოთეკაში. როგორც ჯერ კიდევ ზაფხულში გვანცას ოჯახიდან ცნობილი გახდა, გვანცას შეყვარებულიც ჰყავდა, თუმცა თავად გვანცა ამ თემაზე მედიასთან არ საუბრობდა.

აგვისტოს ბოლოს გავნცას და ნიკას მეგობრები ,,ფეისბუქის“ გვერდზე დაქორწინებას ულოცავდნენ. წყვილმა მოკრძალებული ქოწილი გადაიხადა და ჯვარიც დაიწერა.