ჟურნალისტი, ინგა გრიგოლია, ძალადობის მსხვერპლ ქალბატონებს თოქშოუ „რეაქციის“ ეთერს ყოველ კვირა დაუთმობს.

როგორც გრიგოლიამ „პრაიმ-ტაიმის“ პრესკლუბში, ძალადობის წინააღმდეგ კამპანია „შეწყვიტე!“-ს ფარგელბში გამართულ პრესკონფერენციაზე აღნიშნა, თემის აქტუალურობის მიუხედავად „ტელე-იმედის“ ეთერი ასეთ ქალბატონებს ყოველ კვირეულად დაეთმობა.

"მე ვუერთდები „პრაიმ-ტაიმის“ კამპანიას და მინდა ყველა ქალბატონს ვუთხრა, იმისთვის, რომ მათ შეძლონ საკუთარი უფლებებისთვის ბრძოლა, მათ პრობლემას ყოველკვირეულად დავუთმობ პირდაპირ ეთერს. ძალიან რთულია ამ თვალსაზრისით ვითარება რეგიონებში, ამიტომაც ვთვლი, რომ ყველა ასეთ ფაქტს მეტი გაშუქება უნდა ჰქონდეს, იმისათვის, რომ ვერავინ გაბედოს საკუთარ მეუღლეზე ძალადობა. თემის აქტუალობის მიუხედავად, ტელე-იმედის ეთერი ამ ადამიანებს ყოველკვირეულად დაეთმობათ", - აცხადებს გრიგოლია.