,,ჩანთა საკმაოდ დიდი იყო, თავისუფლად ჩამსვეს“ - გიორხელიძე მისი გატაცების დეტალებზე

საზოგადოება - 13:52, 20 Oct, 2014

2593

19 წლის სოსო გიორხელიძე, რომელიც 10 ოქტომბერს საკუთარი სახლიდან გამოსასყიდის მიღების მიზნით გაიტაცეს „პრაიმტაიმთან“მისი გატაცების დეტალებს იხსენებს. „ დილა იყო. ახალი გაღვიძებული ვიყავი კარზე ხმა რომ შემომესმა. მითხრა, რომ გაზის კომპანიიდან იყო. ამის შემდეგ 4 დღე ვყავდი დატყვევებული. მეხუთე დღეს გამათავისუფლეს. იქ არაფერი ისეთი არ მომხდარა. ძალადობა არ ყოფილა. ნორმალურად მეპყრობოდნენ... თავიდან ერთი იყო, მერე შემოვიდა ორი, მეოთხე იმ სახლში იყო, სადაც 4 დღე ვიმყოფებოდი. ვალებახვეული წამიყვანეს, მეზობლებს ხმაური არ გაუგიათ. იმიტომ, რომ ძალიან ადრე იყო. ფიზიკურად დაახლოებით ჩემი სიმაღლის იყვნენ, შეიძლება ოდნავ მაღლებიც. ასაკით, 40-45 წელს ზევით არ იქნებოდნენ. მეც გამიკვირდა თავიდან ჩანთა რომ დავინახე. საკმაოდ დიდი იყო, თავისუფლად ჩამსვეს შიგნით. მაგრამ სიმძიმეს ვერ გაუძლო და გაიხა. თვალები უკვე ახვეული მქონდა, მანქანასთან რომ მივედით. ხელებიც შეკრული მქონდა. დაახლოებით ნახევარი საათი დაგვჭირდა ადგილზე მისასვლელად. საბარგულში ჩამსვეს. მერე სახლში შემიყვანეს და იმის მერე, ბოლო დღემდე აღარ გამოვუყვანივარ. მოქცევა არ იყო ცუდი. ვიკვებებოდი ძეხვით, პურით, ყველით, ცხელი ჩაით... ჩემთვის ყველა უცნობი იყო. არავინ არ მინახავს სხვა. როცა ფული მიიღეს, მე დამტოვეს კონკრეტულ ადგილას. თვითონაც არ ვიცი, სად ვიყავი. ავტობანთან დამტოვეს. როდესაც მანქანიდან გადმომიყვანეს და დამტოვეს, მერე ავიხსენი თვალები. მითხრეს, აქ დაელოდე შენიანებსო. მალე მამამ მომაკითხა და წამომიყვანა. რა თქმა უნდა, საშიში იყო... თუ შეიძლება, აქ შევწყვიტოთ. საუბარს ვეღარ განვაგრძობ...“,-აცხადებს სოსო გიორხელიძე.