საქართველოს პრემიერ-მინისტრის სახლთან გამართული აქციის დაკავებულ მონაწილეთა დაკითხვა გვიან ღამით დასრულდა. აქცია თავდაცვის ყოფილი მინისტრის, ბაჩო ახალაიას მხარდასაჭერად გაიმართა.

დაკითხვას შინაგან საქმეთა სამინისტროს მთავარ სამმართველოში ადვოკატებიც ესწრებოდნენ. ადვოკატები პოლიციის მხრიდან უკანონო დაკავებაზე საუბრობენ და აცხადებენ, რომ ამის მიზეზი წინასწარ დაგეგმილი პროვოკაცია გახდა.

აქციის დროს, ადვოკატების ინფორმაციით, სულ შვიდი ადამიანი დააკავეს, მათ შორის ბაჩო ახალაიას ადვოკატი რომეო საჯაია, "ტაბულას" ფოტორეპორტიორი ალექსანდრე გიორგაძე და არასამთავრობო ორგანიზაცია "თავისუფალი ზონის" წევრები.

ადგილზე იმყოფებოდა "ადვოკატთა ასოციაციის" თავმჯდომარეც. ზაზა ხატიაშვილმა რომეო საჯაიას დაკავება ადვოკატზე ზეწოლის განხორციელებად შეაფასა.