ილიას სახელმწიფო უნივერსიტეტის პროფესორ-მასწავლებელებისა და ადმინისტრაციის თანამშრომლების სახელით უდიდეს გულისტკივილს გამოვთქვამ დღეს მომხდარი ტრაგედიის გამო, რომელსაც ბრიტანეთის საბჭოს ლექტორი მარიკა წივწივაძე ემსხვერპლა.

თანადგომას ვუცხადებთ განსვენებულის ოჯახს და ვიზიარებთ ყველა მისი ახლობლის მწუხარებას.

მიგვაჩნია, რომ ეს უმძიმესი შემთხვევა უნდა გახდეს ქალთა მიმართ გახშირებულ ძალადობაზე საზოგადოების მიერ კიდევ ერთხელ დაფიქრებისა და განსჯის თემა, ხოლო შესაბამისმა უწყებებმა შეისწავლონ ვითარება, რომელიც ამ უბედურ შემთხევას უძღვოდა წინ.

ჩვენ, მარიკა წივწივაძის კოლეგებს, იმედი გვაქვს, რომ არც ერთი კითხვა პასუხგაუცემელი არ დარჩება.

ილიას სახელმწიფო უნივერისტეტის რექტორი

გიგა ზედანია