"სამართლიანი არჩევნების" ხელმძღვანელი, ნინო ლომჯარია აცხადებს, რომ სახელმწიფომ მამაკაცების მიერ ქალების მკვლელობების აღსაკვეთად, სტრატეგია უნდა დასახოს. კონკრეტული გამოსავალი მსგავის სიტუაციიდან კი არ არსებობს. ეს განცხადება ლომჯარიამ გადაცემა „რეაქციას“ ეთერში გააკეთა:

„ამ შემთხვევის პრევენცია იყო შესაძლებელი, მან ორჯერ მიმართა სამართლადამცავ ორგანოს, მაგრამ ისევე როგორც საზოგადოება, პოლიციაც არის არამგრძნობიარე ამ თემების მიმართ, არ არის ეს პრიორიტეტი, არასერიოზულად აღიქმება ის, რომ ქალი შეიძლება გახდეს მუქარის ობიექტი. მრავალმხრივი მუშაობაა გასაწევი, ერთი გამოსავალი არ არსებობს, სახელმწიფომ სტრატეგია უნდა დაგეგმოს თუ როგორ უნდა აღვუდგეთ მსგავს ძალადობას“, - განაცხადა ნინო ლომჯარიამ.