საქართველოში ერთი ადამიანის სამომხმარებლო ფულადი ხარჯი დღიურად 7.2 ლარს შეადგენს, აქედან სურსათის წილი მხოლოდ 2 ლარია, საარსებო მინიმუმის ყოველდღიური ხარჯი კი 5.19 ლარს არ აღემატება.

ექსპერტების გათვლით კი, დღეს ამ რაოდენობით თანხას ან უფრო ნაკლებს ქვეყნის მოსახლეობის დაახლოებით 20-30%-მდე, ანუ 900 ათასიდან 1.3 მლნ-მდე ადამიანიც ვერ ხარჯავს. აქედან გამომდინარე, ცხადია, რომ მოსახლეობის დიდი ნაწილს სრულყოფილ კვებაზე, დასვენებასა თუ სხვა მოთხოვნილების დაკმაყოფილებაზე ხელი არ მიუწვდება.

საქართველოს სტატისტიკის ეროვნული სამსახურის მონაცემებიტ 2013 წელს ერთი ადამიანის მთლიანი ხარჯი ერთ თვეში 242.1 ლარი იყო . აქედან ფულადი ხარჯი 218.6 ლარია, ანუ დღეში 7.2. (2014 წლის მონაცემები 2015 წელს გამოქვეყნდება) შარშან ერთი ადამიანი სურსათზე თვეში 61 ლარს , ანუ დღეში დაახლოებით 2 ლარს ხარჯავდა, ტრანსპორტზე თვეში 17.4 ლ-დღეში 0.58 ლ, კომუნალურ გადასახადზე თვეში 18.4ლ- დღეში 0.61ლ.

ექსპერტული გათვლებით იმ ადამიანების რიცხვი, რომელიც დღეში 5.19 ლარზე ნაკლებს მოიხმარს, შესაძლოა 20%-დან 30 % მდე იყოს.

ექსპერტების თქმით, შესაძლოა საარსებო მინიმუმზე მეტს ხარჯავდეს ადამიანი, მაგრამ იყოს ღარიბი.

„საქსტატის“ სპეციალისტებმა მიიჩნიეს, რომ ორსულიანი ოჯახის არსებობისთვის 2014 წლის სექტემბერში 220,8 ლარი იყო საკმარისი, სამსულიანისთვის-248.4, ოთხსულიანისთვის -275.9, ხუთსულიანისთვის 310.4 ლარი, ექვსულიანისთვის კი 367 ლარი.

ანალიტიკოსები მიიჩნევენ, რომ საარსებო მინიმუმის დღევანდელი მაჩვენებელი რეალობისგან მოწყვეტილია და ის ტენდენციის გამომხატველი უფროა, ვიდრე რეალობის.

წყარო "რეზონანსი"