მაკა წივწივაძის გადარჩენა ვერ მოხერხდა. ილიაუნის ლექტორი რესპუბლიკური საავადმყოფოს საოპერაციოში გარდაიცვალა.

კლინიკის პრესამსახურის ინფორმაციით, წივწივაძეს ჭრილობა თავში ჰქონდა მიყენებული. წივწივაძე კლინიკაში უგონო, მაგრამ სასიცოცხლო ნიშნებით შეიყვანეს.

33 წლის ლექტორი ყოფილმა ქმარმა ლექციიდან გაიყვანა, ცეცხლსასროლი იარაღით ჭრილობები მიაყენა და შემდეგ თავი მოიკლა.

ირკვევა, რომ ლექტორმა დაცვის თანამშრომლებს ყოფილი ქმრის პირადი მონაცემები მიაწოდა და გააფრთხილა, რომ მცდელობის შემთხვევაში ის შენობაში არ შეეშვათ. უნივერსიტეტის თანამშრომლებიც ამბობენ, რომ მას ყოფილ ქმართან პრობლემები ჰქონდა.