აქციის ფონზე მიმდინარეობს ეწ. ნავთლუღის სპეოპერაციის საქმის დასკვნითი ნაწილი. საქალაქო სასაამართლოსთან რამდენიმე არასამთავრობო ორგანიზაცია ტრანსფარანტებით არის შეკრებილი.

ამ დროისთვის აქციის მონაწილეები სასამართლოს ეზოში იმყოფებიან. მათ აქვთ სიმბოლური მსვლელობა, თუმცა თავდაპირველად პოლიციამ და სასამართლოს მანდატურის სამსახურმა აქციის მონაწილეები სასამართლოს ეზოში არ შეუშვა, რადგან კანონით ტრანსფარანტების გაშლა და აქციის ჩატარება სასამართლოს ეზოში არ შეიძლება.

აქციის ორგანიზატორები არიან "წინააღმდეგონის მოძრაობა და ასევე "პატრიოტთა ალიანსი“. ისინი აცხადებენ, რომ დღეს სასამართლოსთან ერთადერთი მიზნით შეიკირბნენ და ითხოვენ სამართლიან მართლმსაჯულებას.

მათი ინფორმაციით, ისინი არ ენდობიან მოსამართლეს, რომელიც ე.წ. ნავთლუღის სპეცოპერაციის საქმეს იხილავს.

„აუცილებელია დღეს სამართლიანი მართლმსაჯულება და ჩვენ დღეს უბრალოდ არ ვითხოვთ ამ სამართლიან მართლმსაჯულებას, ჩვენ მოვითხოვთ მას, იმიტომ რომ არსებობს ბრალდების მხარის დასკვნა, ჩვენ გავეცანით მას და ის არის მტკიცებულებებით გამყარებული. დადასტურებული აქვს პროკურატურას, რომ 2006 წლის იანვარში ადგილი ჰქონდა ნავთლუღში 3 ახალგაზრის მკვლელობას, ასევე ადგილი ჰქონდა პატიმართა წამებას“,- განაცხადა პარტია „საქართველოს პატრიოტთა ალიანსის“ ლიდერმა ირმა ინაშვილმა.

„ჩვენ გვაქვს ინფორმაცია, რომ ეს მოსამართლე არის კუბლაშვილის ახლო ნათესავი და როგორც ადრე კუბლაშვილი ახდენდა ზეოწლას სასამართლო სისტემაზე, არ არის გამორიცხული ახლაც ამ საქმეზეც მოხდეს გარკვეული ზეწოლა“,- განაცხადა უფლებადამცველმა ნიკოლოზ მჟავანაძემ.

„როდესაც ხელისუფლებას სხვა გზა არ დარჩენია და პროვოკაციებზე მიდის მხოლოდ , ჰყავს შექმნილი ბანდფორმირებები, გაუგებარი ადამიანებისგან შემდგარი, რომელბიც არიან აგრესიაზე გადასული, იმუქრებიან ადამიანების განადგურებით და ასრულებენ კიდეც თავდასხმების სახით. ხელისუფლება არის აგონიაში“,- განაცხადა ანი ნადარეიშვილმა.

ამ წუთებში სასამართლოს დაბაზში მიმდინარეობს ბაჩო ახალაიას და სხვა ბრალდებულების დასკვნითი სიტყვის გაცნობა. როგორც ადვოკატებმა სხდომის დასაწყისში განაცხადეს მათი სიტყვა დაფუძნებული იქნება იმ წინააღმდეგობებზე, რომელიც ბრალდების მოწმეების დაკითხვისას გამოიკვეთა. რაც შეეხება ბრალდებას ისინი აცხადბენ, რომ დაცვისგან არანაირ სიახლეს არ ელოდებიან.

დღევანდელი პროცესით სრულდება ე.წ. ნავთლუღის სპეცოპერაციის საქმის განხილვა. დღევანდელი პრიცესის შემდეგ მოსამართლე ბესიკ ბუგიანიშვილი გავა სათათიბირო ოთახში განაჩენის გამოსატანად.

აქციის მონაწილეები კი ჯერჯერობით არ წყვეტენ აქციას და აცხადებენ, რომ დღესვე საკუთათ მხარდამჭერებს სამომავლო გეგმებს გააცნობენ.