12 ოქტომბერს სოფელ ბერშუეთიდან გატაცებული იმედა ბერიანიძე ცხინვალის ძალოვანი უწყების წარმომადგენლებმა ქართულ მხარეს უკვე გადმოსცეს. როგორც „ნიუპოსტს“ ბერშუეთიდან აცნობეს ბერიანიძის გათავისუფლების სანაცვლოდ ოჯახმა ცხინვალის დეფაქტო ხელისუფლებას 2000 რუსული რუბლი გადაუხადა. 37 წლის იმედა ბერიანიძე ოკუპანტებმა სოფლის მინდვრებიდან იმ დროს გაიტაცეს როდესაც იგი მსხვილფეხა პირუტყვს მწყემსავდა. ადგილობრივების მტკიცებით ბერიანიძე ქართული მხარის კონტროლირებად ტერიტორიაზე იყო და მას პირობითი საზღვარი არ დაურღვევია, ოსურმა მხარემ კი იგი ე.წ. საზღვრის უკანონოდ გადაკვეთის ბრალდებით გაასამართლა.

გიორგი ახალკაცი „ნიუპოსტი“ გორი