თბილისში დევნილთა საცხოვრებელი დაიწვა. თევდორე მღვდლის ქუჩაზე ხანძარი შუადღისას გაჩნდა. ცეცხლი დევნილთა საცხოვრებლის მესამე სართულზე გაუჩნდა. დაიწვა 1000 კვ.მეტრი ფართობი. ადგილზე მუშაობენ სამაშველო ბრიგადები. ხანძარი ამ დროისთვის ლოკალიზებულია.

თვითმხილველების თქმით, ხანძარი შესაძლოა ელექტროგაყვანილობისგან გაჩნდა, ისინი ასევე არ გამორიცხავენ იმასაც, რომ ხანძარი ხელოვნურად იყო გაჩენილი.

„ეს არის კარგი ადგილი, ადრე დაიწვა კიდევ ბაზრის მიმდებარე ტერიტორია, ამბობენ, რომ სპეციალურად დაიწვა და ესეც აქ უპატრონო ხალხი ცხორვეობს და დაწვეს სპეციალურად რომ გამოსახლონ ეს საწყალი ხალი, მეც ლტლოვილი ვარ 21 წელია ვწვალობთ დავიწვათ ამ ცეცხლში და დამტავრდება მაინც ჩვენი ამბავი“,- აცხადებს ერთ-ერთი დაზარალებული.

თევდორე მღვდლის ქუჩაზე ამ დროისთვისაც მიმდინარეობს ხანძარსაწაინააღმდეგო სამუშაოები. მეხანძრეებმა დროულად მოახერხეს მოქალაქეთა ევაკუაცია, შესაბამისად დაშავებული არავინ არ არის.

მოსახლეობა ამ წუთებში მეხანძრეთა დამხარებით ცდილობს საკუთარი სახლებიდან გამოიტანონ გადარჩენილი ნივთები. შემთხვევის ადგილზე მუშაობს 29-მდე სახანძრო ეკიპაჟი, ასევე მობილიზებულია სასწრაფო სამედიცნო დახმარების ჯგუფები.

შემთხვევის ადგილას ასევე იმყოფებოდნენ დიდუბის რაიონის გამგებელიდა მაჟორიტარი დეპუტატი რომელბმაც დაზარალებულ მოსახლეობას დახმარება აღუთქვეს.

„უნდა გავაერკვიეთ რამდენია ზარალი, ასევე რამდენი დაზარალებული ოჯახების რაოდენობა, დავითვლით ზარალს და მაქსიმალურად ვეცდებით რაც შეიძლება სწრაფად მოხდეს ამ ადამიანების როგორც მინიმუმ ჯერ-ჯერობით დაბინავება“,- განაცხადა დიდუბის რაიონის გამგებელმა ირმა ზავრადაშვილმა.