დედაქალაქის მერიაში ხუთსაათიანი კონსულტაციები კონკრეტული შედეგის გარეშე დასრულდა. მერიის წარმომადგენლები, რომელთა შორის ქალაქის მერიც იმყოფებოდა, ჯერ სოციალურად დაუცველებს, შემდეგ კი „მეტრომშენის“ წარმომადგენლებს შეხვდნენ.

ეს ორი მხარე ზღვის უბნის კორპუსებზე დავობს. სოციალურად დაუცველები ამ კორპუსებში 2003 წლიდან ცხოვრობენ. „მეტრომშენის“ წარმომადგენლები კი აცხადებენ, რომ ეს ბინები მათი საკუთრებაა.

როგორც შეხვედრის დასრულების შემდეგ „მეტრომშენის“ წარმომადგენლებმა განაცხადეს, რომ მერის მოადგილისგან პირობა მიიღეს მათი პრობლემის განხილვა უახლოეს დღეებში განხილვის შესახებ. თბილისის მერის მოადგილის ალუდა გოგლიჩიძის თქმით, მერია ზღვის უბნის სადავო კორპუსების პრობლემის მოგვარებაში მედიატორის როლს შეასრულებს.