ხმაურიანი აქცია წალკის ცენტრში - რაიონის ათი სოფლიდან აჭარიდან, სვანეთიდან და გურიიდან ჩამოსული ეკომიგრანტები შეიკრიბნენ და საპროტესტო აქციას მართავენ. ეკომიგრანტები, რომლებიც წალკაში 15 წლის წინ ჩაასახლეს აცხადებენ, რომ მათ ბერძნები ასახლებენ და მათ ამაში ადგილობრივი მთავრობა ეხმარება.

როგორც თავად ეკომიგრანტებმა განაცხადეს, ბოლო ერთი წლის განმავლობაში 150-მდე ეკომიგრანტს დაატოვებინეს როგორც წალკა, ისე დაახლოებით ათამდე სოფელი.ხოლო ოქოტომბრის ბოლომდე რამდენიმე ადამიანს უკვე მიუვიდა უწყება, რომ მათაც უნდა დაატოვებინოს საცხოვრებლები, საუბარია სულ ასზე მეტ ადამიანზე. სწორედ ამიტომ მათ წალკის ცენტრში აქცია გამართეს.

როგორც ეკომიგრანტები აცხადებენ, ბოლო ორი დღის განმავლობაში მოხდა 3 გამოსახლება სადაც პოლიციელები მივიდნენ და კანონის ძალით გამოიყვანეს მოსახლეები სახლიდან. მათი ინფორმაციით, მხოლოდ კანონით არ ხდება მათი გამოყვანა , როგორც ეკომიგრანტები აცხადებენ, ასევე არსებობს სხვადასხვა ფორმები, როემლსაც იყენებენ მათ წინააღმდეგ, კონკრეტულად კი ღამის პერიოდში ხდება ქურდობა და მათ პარავენ ერთადერთი შემოსავლის წყაროს, შინაურ პირუტყვს და ამით იძულებულს ხდიან, რომ მათ ტერიტორია დატოვონ და სახლებიდან გამოვიდნენ.

ბოლო შემთხვევა გუშინ მოხდა, ეკომიგრანტების ინფორმაციით. როდესაც როდესაც ერთ-ერთი ოჯახიდან 12 ძროხა მოიპარეს.