მომღერალი - თამრიკო ჭოხონელიძე ნარკოტიკული საშუალებების შეძენა-შენახვის ბრალდებით დაკავებული, თენგო ერისთავის საქმეს ეხმაურება. მისი განცხადებით, პოლიციელებმა ძალიან დიდი შეცდომა დაუშვეს, თუმცა, თავად ის ფაქტი, რომ იმ პოლიციელებთან მიმართებაში ვინც თენგო ერისთავი დააკავა, მოკვლევა დაიწყო და მისასალმებელია, რადგან წინა ხელისუფლების პირობებში ეს არ მოხდებოდა.

„თენგო ერისთავის შემთხვევაში ეს იყო ძალიან დიდი შეცდომა პოლიციელების მხრიდან. თენგომ და არა მარტო მან, თქვა, რომ ნარკოტიკები მას ჩაუდეს და როგორც ვიცი ეს დამტკიცდა კიდეც და ამ მხრივ ძალიან კარგი ფაქტი მოხდა. წინა ხელისუფლების პირობებში მსგავსი რამ არ მომხდარა. შეცდომების აღიარება და მითუმეტეს მისი გამოსწორება ამ ხელისუფლებამ ამ ფაქტით მაინც აჩვენა ჯერ-ჯერობით, რომ დაშვებული შეცდომების აღიარება შეიძლება. იმიტომ, რომ გამოსწორდა ფაქტია საქმე და ახალგაზრდა კაცი, როგორც ბევრი დაიღუპა წინა ხელისუფლების დროს, ახლა დაღუპვას გადარჩა. მე იმედი მაქვს, რომ ეს არ იქნება ერთჯრადი და ძალიან დიდი იმედი მაქვს, რომ გეზი აბსოლუტურად სწორად აქვს აღებული სამართალდამცავ ორგანოსთან მიმართებაში ხელისუფლებას“, - განაცხადა თამრიკო ჭოხონელიძემ.

შეგახსენებთ, რომ თენგო ერისთავი გირაოს სანაცვლოდ გაათავისუფლეს. მის გათავისუფლებას წინ უძღოდა დაკავებულის ახლობლების აქციები. როგორც ის და მისი ოჯახის წევრები აცხადებენ, ბრალდებულს ნარკოტიკული საშუალება პოლიციამ ჩაუდო. პროლიციელების საკითხთან დაკავშირებით პროკურატურამ მოკვლევა დაიწყო.

წყარო http://pirveliradio.ge/