ეკონომიკურმა საბჭომ 100-მილიონიანი საინვესტიციო პროექტის განხორციელების გზები განიხილა - სხდომა მთავრობს კანცელარიაში პრემიერ-მინისტრის ხელმძღვანელობით გაიმართა.

სხდომას თბილისის მერი ესწრებოდა. დავით ნარმანიამ საბჭოს წევრებს პროექტ „სამეფო ბაღების" შესახებ მიაწოდა ინფორმაცია და განმარტა, რომ პროექტის მოსამზადებელი სამუშაოები 6 წლის მანძილზე მიმდინარეობდა, რამაც ინვესტორს ზარალი მიაყენა.

ეკონომიკური საბჭოს გადაწყვეტილებით, უახლოეს დღეებში არქიტექტურულ პროექტებზე საჯარო კონკურსი გამოცხადდება . სპეციალური საბჭო 3 პროექტს შეარჩევს, რომელთაგან საუკეთესოს წლის ბოლოს თავად ინვესტორი აირჩევს.

საბჭოს სხდომაზე ეკონომიკის მინისტრმა გიორგი კვირიკაშვილმა მედიით გავრცელებულ უზუსტობაზე გაამახვილა ყურადღება. მისი თქმით, ინფორმაცია სასტუმროებისა და რესტორნებისთვის ახალი რეგულაციების შემოღებასთან დაკავშირებით, მცდარია.

"სახელმწიფო არ გეგმავს არანაირი ახალი შემზღუდავი რეგულაციების დაწესებას სასტუმროებისა და რესტორნებისთვის. შესაძლოა მსგავსი ინციატივა მოდიოდეს ასოციაციებისა და კერძო წყაროებისგან. სახელმწიფოს არა გააჩნია მსგავსი მიზანი,"-განაცხადა გიორგი კვირიკაშვილმა.