ბაქო-თბილისის გზაზე გეკგელის რაიონში მომხდარ ავტოავარიაში დაღუპული ბავშვი გვიან ღამით მარნეულის რაიონის სოფელ ზემო სარალში გადაასვენეს.

ავტოსაგზაო შემთხვევა გუშინ მოხდა. ავტობუსი სატვირთო ავტომობილს შეეჯახა. შეჯახება იმდენად ძლიერი იყო, რომ ავტობუსს ცეცხლი გაუჩნდა. მთლიანად დაიწვა მგზავრების ბარგი და დოკუმენტები. საქართველოს მოქალქეებისთვის საზღვრის გადმოკვეთა აზერბაიჯანში საქართველოს საკონსულომ უზრუნველყო და მათთვის დროებითი სამგზავრო დოკუმენტები გასცა.

შემთხვევის შედეგად კიდევ ორი ადამიანი გარდაიცვალა და 20 დაშავდა. მათ განჯის საავადმყოფოში მკურნალობენ. ბაქო-თბილისის ავტობუსით სულ 40-მდე ადამიანი მგზავრობდა, მათ შორის საქართველოს 15 მოქალაქე. ორი დაშავებული თბილისში რეანიმობილით თბილისში გადმოიყვანეს, სადაც შესაბამისი მკურნალობა უკვე ჩაუტარდათ. ექიმების თქმით, დაშავებულთა სიცოცხლეს საფრთხე არ ემუქრება.

ამ დროისათვის განჯის საავადმყოფოში საქართველოს ორი მოქალაქე რჩება. მათგან ერთი ავტობუსის მძღოლია.

ავარიის გამომწვევ მიზეზებს აზერბაიჯანელი სამართალდამცველები იკვლევენ. არის ვარაუდი, რომ ავტობუსის მძღოლს ჩაეძინა.