„ჩვენ ვაპირებთ, რომ კანონის სრული დაცვით ჩავატაროთ ატესტაცია და მივიღოთ და დავტოვოთ ის თანამშრომლები, რომლებიც საქმეს მაქსიმალურად ეფექტიანად გააკეთებენ“, - ეს განცხადება ჟურნალისტებთან დღეს მთავრობის სხდომაზე მისულმა თბილისი მერმა გააკეთა.

ნარმანიას თქმით, ატესტაციის პროცესი იქნება ღია და გამჭვირვალე და მასზე თვალ-ყურის დევნების საშუალება ნებისმიერ დაინტერესებულ პირს ექნება.

შეგახსენებთ, რომ ატესტაციის პროცესი 2 ეტაპად ჩატარდება. პირველი ეტაპის, ტესტირების შემდეგ გასაუბრება გაიმართება. როგორც თბილისის მერმა განაცხადა, ტესტირებას გამოცდების ეროვნული ცენტრი ჩაატარებს. პირველ ეტაპზე კი ატესტაციას მერიის მოქმედი თანამშრომლები გაივლიან, რის შემდეგაც დარჩენილ ადგილებზე ვაკანსიები გამოცხადდება.