15 ოქტომბრიდან ეკრანებზე ყველაზე რეიტინგული ქართული სერიალი „ჩემი ცოლის დაქალები“ ბრუნდება. სერიალის ერთგულ მაყურებელს უამრავი სიახლე ელოდება. ერთ-ერთი მნიშვნელოვანი და სასიხარულო სიახლე არის ის, რომ შაბათ-კვირის კარდა „ჩემი ცოლის დაქალები“ ეთერში ოთხშაბათსაც გავა.

სერიალში მოსალოდნელ სიახლეებზე სერიალის სცენარისტმა ქეთი დევდარიანმა და პროდიუსერმა ირაკლი საღინაძემ გადაცემა „შუა დღეში“ ისაუბრეს.

„იქნება უამრავი სიახლე. როგორც ახალი მსახიობების თავლსაზრისით, ისე ჩვენი შეყვარებული პერსონაჟების ახალი ცხოვრების პერსონაჟებით. როგორც იცით, მაკა ძაგანია დედობას აპირებს, ამიტომ სერიალში ის აღარ იქნება. მნიშვნელოვანი სიახლეა ასევე ის, რომ შაბათ-კვირის გარდა, სერიალი გავა ოთხშაბათსაც. სერიალში განსაკუთრებული აქცენტი ცოტნეზე და ნინაზე იქნება. მათ გარშემო შეიკვრება მთელი სიუჟეტური სტრუქტურა სეზონის, რომელიც ეხლა იწყება. იქნება ცოტნეს გრანდიოზული დაბრუნება, როგორც თბილისში ისე პოლიტიკაში“, - განაცხადა ირაკლი საღინაძემ.

სიახლეებზე ისაუბრა ქეთი დევდარიანმაც.

„ნინა ბრუნდება პარიზიდან. ის იწყებს მუშაობას ეთიკისა და ესთეტიკის სამინისტროში. ეს არის ძალიან დიდი ცვლილება მის ცხოვრებაში. იქნება ბატონი ცოტნეს ტრიუმფალური დაბრუნება. ნინას შეემატება პარიზში ახალი დაქალი. სერიალში სიახლე იქნება ასევე ის, რომ იქნებიან 20-დან 25 წლამდე ახალგაზრდა მსახიობები. ეს ერთგვარად სტუდენტების მოთხოვნაც იყო. რაც შეეხება ნელიკოს, მას შვილი უნგრეთში ჰყავს, მაგრამ მისი პერსონაჟი სერიალში შენარჩუნებული იქნება. ის ტასოს ამეცადინებს მუსიკაში“, - განაცხადა დევდარინმა.