ცხინვალში მდინარე ლიახვში ქალბატონი დაიხრჩო. როგორც თვითმხილველები ყვებიან, ტრაგედია მეუღლეთა ოჯახური კონფლიქტის შედეგად დატრიალდა, რომლებიც ცხინვალის რეგიონში სომხეთიდან იყვნენ ჩასულნი.

"ქალი გადახტა მდინარეში, მის კვალდაკვალ წყალში გადახტა მამაკაცი, რომელიც მეუღლის გადარჩენას ცდილობდა. შედეგად ქალი წყალმა წაიღო. თვითმხილველებმა მხოლოდ მამაკაცის გადარჩენა მოახერხეს",_ იუწყება ოსური მედია.

მათივე ინფორმაციით, მამაკაც ამჟამად ჰოსპიტალიზებულია და მისი მდგომარეობა დამაკმაყოფილებელია.

შემთხვევა დღეს დილით მოხდა. მაშველები ქალის ცხედარს ამ დრომდე ეძებენ.

ინფორმაცია სამხრეთ ოსეთის ბეჭდვისადა ინფორმაციის კომიტეტიდან გავრცელდა.