საფერავის ბოკალი მსოფლიოს 15 წამყვანი ჯიშის სახელობითი ბოკალების კოლექციაში მოხვდა.

საფერავისთვის ექსკლუზიური ბოკალი 300 წლოვანი ისტორიის მქონე ავსტრიული კომპანიის ,RIEDEL-ის მეათე თაობის წარმომადგენელმა, გრაფმა გეორგ რიდელმა შექმნა, ქართველი სომელიეეების ასოციცაციის წარმომადგენელთა ინიციატივით.

კომპანიამ ქართული საფერავის სადეგუსტაციო სასმისი ცხრათვიანი მუშაობის შემდეგ დაამზადა. პროექტზე ქართველი და უცხოელი სპეციალისტები მუშაობდნენ. მსოფლიოში სულ 20 სახეობის ღვინო არსებობს, რომელთაც თავისი სპეციალური ექსკლუზიური სადეგუსტაციო ბოკალი აქვს.

ბოკალის პრეზენტაციას თბილისის მერი, დავით ნარმანია დაესწრო, რომელმაც წლევანდელ რთველზე ისაუბრა და აღნიშნა, რომ წელს ყურძნის მოსავალი არნახულად დაბინავდა.

სიმბოლურია საქართველოში, ვაზისა და ღვინის ქვეყანაში, ღვინის დღის დაწესება და იმედია, დროთა განმავლობაში ეს უფრო ფართო მასშტაბებს შეიძენს. მნიშვნელოვანია, რომ წელს ყურძნის მოსავალი კარგად დაბინავდა და მევენახეებმა სოლიდური შემოსავალი მიიღეს. ღვინის ქარხნები აქტიურად მუშაობენ ხარისხიანი პროდუქციის გამოსაშვებად. შედეგად, დაკმაყოფილდება როგორც ადგილობრივი ისე საერთაშორისო ბაზარი, რომელზეც კონკურენცია საკმაოდ დიდია. დარწმუნებული ვარ, წლევანდელი მოსავალი უფრო მეტად ხარისიანი და მეტი შემოსავლის მომტანი იქნება როგორც ქვეყნისთვის, ისე მეღვინეობის დარგში დასაქმებულთა ოჯახებისთვის" - განაცხადა დავით ნარმანიამ.