საერთაშორისო სამედიცინო კონფერენცია ქართულ–ინტერნაციონალური სამედიცინო და საზოგადოებრივი ჯანდაცვის ასოციაციის (GIMPHA) ორგანიზებითა და „სამედიცინო კორპორაცია ევექსის“ (ოქროს სპონსორი) მხარდაჭერით იმართება.

კონფერენცია გახსნა ქართულ-ინტერნაციონალური სამედიცინო და საზოგადოებრივი ჯანდაცვის ასოციაციის პრეზიდენტმა ალექსი ბაიდოშვილმა.

ორგანიზატორების განცხადებით, აღნიშნული ღონისძიება ხელს შეუწყობს საზღვარგარეთ მოღვაწე ქართველი და უცხოელი სამედიცინო საზოგადოების გამოცდილების გაზიარებას და პარტნიორული თანამშრომლობის განვითარებას საქართველოს ჯანდაცვის სფეროში.

საერთაშორისო კონფერენცია 4 ოქტომბერს თემატური სესიებით გაგრძელდება, სადაც დელეგატები ევროპის წამყავნი კლინიკებიდან ისაუბრებენ ისეთ საკითხებზე, როგორიცაა ნეირომეტაბოლური დაავადებები, კოლორექტალური ონკოლოგია, ბაქტერიული და ვირუსული ინფექციები და დერმატოლოგიური პათოლოგიები.

კონფერენციის ფარგლებში მოხდება ქართულ–ინტერნაციონალური სამედიცინო და საზოგადოებრივი ჯანდაცვის ასოციაციის (GIMPHA) სტუდენტური პანელის მიერ გამოვლენილი საუკეთესო პედაგოგის დაჯილდოება კლინიკურ მედიცინაში.

კონფერენციას ესწრებიან უცხოელი და ქართველი სპეციალისტები, სამედიცინო სასწავლო დაწესებულების პროფესორები, საქართველოს სამედიცინო ასოციაციები, ჰოლანდიის საელჩო საქართველოში, დიასპორის საკითხებში საქართველოს სახელმწიფო მინისტრის აპარატი და ჯანდაცვის სამინისტროს წარმომადგენლები.

აღნიშნული კონფერენციის ოქროს სპონსორია „სამედიცინო კორპორაცია ევექსი“- ყველაზე მსხვილი ჰოსპიტალური ქსელი საქართველოში.