ჩაანაცვლებს თუ არა ყვითელ ავტობუსებს ქართული წარმოების ავტობუსები - კომპანია „აი-სი ჯგუფი“ საკრებულოს ახალი ინიციატივით მიმართავს.

აღნიშნული შპს თბილისში ავტოპარკის განახლებას და ელექტროავტობუსების გამოსაშვებად ქარხნის გახსნას აპირებს. საწარმოს ასამუშავებლად შპს გლდანში რადიოქარხნის ტერიტორიის გამოყოფას ითხოვს.

ელექტროავტობუსების გამოშვებამდე კი კომპანია დედაქალაქის თვითმმართველობის ორგანოს სთავაზობს, რომ მუნიციპალური ტრანსპორტი გაზზე გადაიყვანონ. ინიციატივა დეპუტატების მხრიდან დადებითად შეფასდა.

„თბილისი პერსპექტივა და მომავალი არის ელექტროავტობუსი, მაგრამ ელექტროავტობუსებზე გადასვლას აქვს თავისი სპეციალური ტექნოლოგიური რეჟიმები, ამას უნდა მომზადება და აი ამ მომზადებისათვის, საჭიროა რამოდენიმე ნაბიჯის გადადგმა, მათ შორის სასწრაფოდ პარკის ცოტა გადახალისება , რომელიც დღეს არსებოსბს, ხოლო ამ პარკის გადახალისებისათვის ყველაზე მისაღები ფორმა არის ავტობუსები გაზზე“,- განაცხადა შპს „აისი გრუპის“ წარმომადგენელმა ავთანდილ საყვარელიძემ.