"ასავალ-დასავალის“ ჟურნალისტების ინიციატივით, „თავისუფალი ზონის“ ოფისის წინ აქცია გაიმართება. გაზეთის წარმომადგენლების თქმით, აქცია 2 ოქტომბერს 15:00 საათზეა დაგეგმილი.

"ჩვენ ველოდებით ჩვენს მხარდამჭერებს, მკითხველებს. დღეს ოზურგეთიდან 79 წლის კაცმა დამირეკა, რომელიც თბილისში ჩამოსვლას გეგმავს. ესენი ძალიან ცუდ რაღაცას მიიღებენ. მე ელემენტარულად თქვენი სიჩუმეც მაოცებს, რომ სამი შვილის მამა სამსახურში მოდიოდა, თათბირზე, შებინდებულზე და ახლა ამბობენ, რომ ზაზამ ასე და ასე უთხრაო. ამის ვის სჯერა?! 20-მდე კამერას აქვს გადაღებული და ჩვენ ამ ჩანაწერებს ამოვიღებთ. ნაცემ კაცს სურათებს უღებდნენ. მას ამაზე აფრთხილებდნენ და ემუქრებოდნენ. სოციალურ ქსელში მუქარის მესიჯებს უგზავნიდნენ და ამის შესახებ დავითაიამ თქვა, რის შემდეგაც ყოფილი პოლიციელი მორგოშია - არა ქართველი, არამედ მიშას პოლიციელი, დაიბარეს და გააფრთხილეს და ახლა რას ბლანდავენ და ხლართავენ, მაგათ გარდა ვის სჯერა?! - განაცხადა „ასავალ-დასავალის“ ჟურნალისტმა.