„მომავალ წელს საგარეო ვალს მხოლოდ ინფრასტრუქტურული პროექტებისათვის ავიღებთ“, - ამის შესახებ ფინანსთა მინისტრმა ნოდარ ხადურმა განაცხადა.

რაც შეეხება საშინაო ვალს, ხადურის თქმით, მთავრობა დაახლოებით 400 მილიონ საშინაო ვალს აიღებს.

"მომავალ წელს ვალსაც ვიღებთ და ვალსაც ვისტუმრებთ. რაც შეეხება გასტუმრებას, მომავალ წელს 345 მილიონი ლარის გადახდა მოგვიწევს საგარეო ვალებში. დაახლოებით 160 მილიონი ლარით შევიმცირებთ საშინაო ვალს მომავალ წელს. საშინაო ვალს ავიღებთ ალბათ 400 მილიონი ლარს. რაც შეეხება საგარეო ვალს, მომავალ წელს ვალდებულებები გაგვეზრდება მილიარდ სამას ოცი მილიონი ლარით. აქედან 900 მილიონ ლარზე მეტი საგარეო დაფინანსებიდან ინფრასტრუქტურას მოხმარდება ", განაცხადა ხადურმა.