თურქეთის მოქალაქე, ქალაქ ანკარაში მცხოვრები ელიკო ზედელაშვილი, „ასავალ-დასავალს“ თამარ მეფის განსასვენებლის შესახებ ცნობას აწვდის:

„1980 წელი იყო და ტელევიზორში თამარ მეფის შესახებ გადაცემას ვუყურებდი, მოგვითხრობდნენ არქეოლოგიური გათხრების შესახებ, გამოდიოდნენ ისტორიკოსები და არქეოლოგები, რომლებიც თამარ მეფის საფლავს ეძებდნენ.

ბებიამ მკითხა, რას ეძებენო, მე ვუპასუხე-თამარ მეფის საფლავს ეძებენ, ბებო-მეთქი. ბებიაჩემმა ისე, რომ წამითაც არ დაფიქრებულა, მაშინვე მიპასუხა-მერე და, არ იციან, რომ თამარის საფლავი ბოლნისის რაიონში, კიანეთის მონასტრის ნანგრევებშიაო?! ეტყობა ჩვენთვის უცნობი რომელიმე წყაროდან, მას თამარის საფლავის ადგილმდებარეობის შესახებ ინფორმაცია ქონდა. ისე უცბად და დაუფიქრებლად მითხრა ბებიაჩემმა, კიანეთის მონასტერშია თამარის საფლავიო, ვიგრძებნი, რომ ეს იყო ათეული წლების განმავლობაში საიდუმლოდ შენახული ამბავი, რომელიც მოხუცებულმა, ბოლოს და ბოლოს, გამიმჟღავნა. შეამოწმონ, გათხარონ კიანეთის ეკლესია, იქნებადა, ცხონებული ბებიაჩემი მართალი აღმოჩნდეს“- აცხადებს ელიკო ზედელაშვილი.

წყარო "ასავალ-დასავალი"