რეზო ამაშუკელი ამერიკას მიმართავს და ქართველ ერსა და „ნაციონალურ მოძრაობას“ შორის არჩევანის გაკეთებისკენ მოუწოდებს:

„ამერიკელების გასაგონად კი ისევ და ისევ მინდა ვთქვა- ერთხელ და სამუდამოდ აირჩიონ, ან ქართველი ერი, ან "ნაციონალური მოძრაობა"! ორივე ერთად არ გამოვა!“

ამაშუკელის განცხადებით, "ნაციონალური მოძრაობა" და "რესპუბლიკელები" ერთად მოქმედებენ. „ნაციონალური მოძრაობა" და "რესპუბლიკური პარტია" შუაზე გაჭრილი ერთი ვაშლია, ჭიაბერაშვილი სანამ ნაციონალი გახდებოდა, რესპუბლიკური პარტიის წევრი იყო! დარჩიაშვილის რესპუბლიკელი ბრძანდებოდა და კიდევ ბევრი, ყველას ვერ ჩამოვთვლი! ესენი ერთი ძალაა!“

ამაშუკელი ხელისუფლებას მოუწოდებს, რომ ტელევიზიებს ნაციონალების ეთერში გამოყვანა აუკრძალოს.

„ხელისუფლებამ ან ეს ტელევიზიები გააჩეროს და სისიხლიანი ნაციონალების ტლიკინით ხალხს ნერვებს ნუ უშლიან, ან არადა, იძულებულები გავხდებით, ეგენი სახლებიდან გამოვათრიოთ! მერე ვერანაირი კანონი ვერ გაგვაჩერებს. მკვლელები და მწამებლები ნუ მარიგებენ ჭკუას ტელეეთერებიდან! დამნაშავე უნდა იჯდეს ციხეში და არა-სატელევიზიო შოუში!

ბაქრაძემ, რატიანმა და შეტრუსულმა გოჭმა ჯაფარიძემ მე როგორ უნდა დამარიგონ ჭკუა ტელევიზორიდან?! და იმ მეჯინიბე პეტრე ცისკარიშვილმა კიდევ! მაგას დაავიწყდა ნარკობარონობის გამო, პანკისის ხეობაში რომ ყავდათ გატაცებული? სანამ ჟვანია არ ჩავიდა და დიდი ფული არ გადაიხადეს, მანამდე ჰყავდათ დამწყვდეული და კარგად აკრუსუნებდნენ, ესეც ვიცი! ახლა გამოდის და ჭკუას მარიგებს!

თუ შინაგან საქმეთა სამინისტრო, უშიშროება, პროკურატურა დროზე არ მიხედავს და არ დააპატიმრებს გიგა ბოკერიას, გია ბარამიძეს, გივი თარგამაძეს და სხვა დამნაშავეებს, საქართველო აფეთქდება! ქართველი ხალხი ამდენს არ მოითმენს, ომი ჯერ არ დამთავრებულა, მეტიც, ომი თავიდან იწყება და ეს ომი მოსაგებია. გახსოვდეთ გველი კვლავ იკლაკნება"- აცხადებს ამაშუკელი.

წყარო „ასავალ-დასავალი“