სკოლა „სადუნი“ განცხადებით ეხმაურება დღეს გავრცელებულ ინფორმაციას, რომლის მიხედვით მათი აღსაზრდელი ერთ-ერთმა მასწავლებელმა სცემა.

,,სკოლის დირექცია შეძრწუნებულია იმის გამო, რომ ვრცელდება ცალსახა, გადაუმოწმებელი ინფორმაცია ჩვენი აღსაზრდელის დისკრიმინაციასთან დაკავშირებით. ,,სადუნის" უპირველესი მიზანი ყოველთვის იყო, არის და იქნება თითოეული მოსწავლის ინტელექტუალური და მორალურ-ზნეობრივი აღზრდა. სკოლა აღიარებს და ითვალისწინებს თითოეული მოსწავლისადმი ინდივიდუალური მიდგომის აუცილებლობას. აქ აღზრდის პროცესი სიყვარულს ეფუძნება და ქმნის ოჯახურ გარემოს. მოსწავლე მაქსიმალურად დაცულია არასათანადო მოპყრობის, უყურადღებობისა და შეურაცხყოფისაგან. სწორედ ეს გახლავთ მთავარი პირობა იმისა, რომ სკოლის დირექცია მუდმივად იღებს უმაღლესი სასწაავლებლებიდან მადლობის წერილებს ასეთი წარჩინებული კურსდამთავრებულების აღზრდისათვის! გთხოვთ, იყოთ უფრო გულისხმიერნი მსგავსი ინფორმაციის გაშუქებისას“, - ნათქვამია განცხადებაში.

აუტიზმით დაავადებული ბავშვის ცემის ფაქტზე ჯანდაცვის სამინისტროს სოციალური მომსახურების სააგენტო მოკვლევას იწყებს. აუტიზმით დაავადებული 4 წლის ბიჭის მშობლების განცხადებით, ფსიქოლოგისგან მიღებული ინფორმაციით, ბავშვს სამი სახის დაზიანება აქვს.ოჯახმა უკვე მიმართა დამოუკიდებელ ექსპერტს. წინასწარი ინფორმაციით, ბავშვს დაზიანებები ბლაგვი საგნით აქვს მიყენებული. ზუსტი დასკვნა ხვალ გახდება ცნობილი. საბავშვო ბაღში კი ბრალდებებს უარყოფენ და აცხადებენ, რომ დაზიანებები ბავშვს თანატოლმა მიაყენა.

დღეს სოციალურ ქსელში გავრცელდა ინფორმაცია, რომლის თანახმად სკოლა „სადუნში“ აუტიზმით დაავადებული 4 წლის ბავშვი მასავლებელმა სცემა.